Sabuli 67 - Baibuli I Leb Kumam 2013Wer me Mino Pwoc 1 Okwai Rubanga, tim ne wa kisa di iko mino wa winyo, doko nen wa kede wangi me mwolo, 2 me wek mit nin ngere i wi lobo, kede twer me alako nin bin ngere but atekerin dedede. 3 Miero jo dedede paki, Okwe Rubanga; miero jo dedede paki! 4 Miero atekerin dedede bed kede yomcuny di kiko wer di kilelo, pien in ingolo ne jo kop i yore me ateni doko itelo atekerin dedede atie i wi lobo. 5 Miero jo dedede paki, Okwe Rubanga; miero jo dedede paki! 6 Lobo otieko mino jo amio mere; Rubanga kame obedo Rubanga wa otieko mino wa winyo. 7 Okwao Rubanga pi meede mino wa winyo; miero jo kame tie i wi lobo dedede wore. |
Baibuli I Leb Kumam © Bible Society of Uganda, 2013.
Bible Society of Uganda