Sabuli 61 - Baibuli I Leb Kumam 2013

Ilega me Kwano Gwok

¹ Okwe Rubanga, winy koko na; winy kwac na.

² Ango alwongere buti ki ajikini me lobo, i kare kame cunya odwono kede. Tela itera i wi lela kame bor kalamo ango;

³ pien in en ngat kame ango aringo ot gwokere bute, gedo abor malo kame gwoka kibut jokwor na.

⁴ Mia abed i tempulo ni nakanaka; mia agwokere i bwomi.

⁵ Pien in, Okwe Rubanga, itieko winyo kwongere na; in itieko mina gikame in imio jo alworo nyingi.

⁶ Med ne abaka kare me bedo kuo; mi mwakini mege meede nakanaka!

⁷ Mie ebed i kom me ajakanut nakanaka i nyimi, Okwe Rubanga; mi amara nin kalikame lokere kede genere nin gwoke!

⁸ Pi mano, ango abino wero were me pako nyingi nakanaka, di acobo kwongere na buli ceng.