Sabuli 43 - Baibuli I Leb Kumam 2013

Ilega me Dano Koringo Ot Bedo i Piny Apat

¹ Gonya abed abongo raco moro, Okwe Rubanga, di iko mina aloi pido i kom jo kalikame wori. Laka kibut joangalo kede jo areco.

² Pien in en Rubanga kame ango aringino gwok buti; pinyo komio iuca? Pinyo komio ango atie ot di atururo, pien jokwor na tie tera kirac?

³ Okwe, cwai lero ni kede ateni ni; mi gi kitela; mi gi kitera i moru ni kacil kede i kabedo nin.

⁴ Di do ango ako bino ot i alutari ka Rubanga, but Rubanga ngat kame yomo cunya kalamo; di ango ako bino paki di agoo adungu, Okwe Rubanga, Rubanga na.

⁵ Pinyo komio atie kede cwercuny? Pinyo komio aparere? Abino keto gen na but Rubanga; abino medo pake, en ngakony na, doko en Rubanga na.