Sabuli 149 - Baibuli I Leb Kumam 2013

Wer me Pak

¹ Pakunu Rwot! Werunu wer anyen but Rwot; pakenu i kacokere me jo mege agenere.

² Mito jo me Isirael bed kede yomcuny i kom Ngacwec gi; mito jo me Sion leli pi Abaka gi.

³ Mito kipak nyinge di kimielo, di kigoo ne wer amit kede ayekeyeke kede arigirigi.

⁴ Pien Rwot cunye yom i kom jo mege; en etubuso jo amwole i yore me mino gi bwono jokwor gi.

⁵ Mito jo mege agenere leli pi deyo gi; mito kiwer pi kilel i kabuto gi.

⁶ Mito kipak Rubanga kede dwan amalo, di epima kame bit tuni tuni tie i cing gi,

⁷ pi timo onyanga i kom atekerin kede mino jo alola;

⁸ pi tweno abakai gi kede epingo, kede tweno jodongo gi kede irikoi;

⁹ pi keto i tic ngolo kop kame komoko i kom gi. Manoni en deyo me jo mege dedede kame genere. Pakunu Rwot!