Sabuli 142 - Baibuli I Leb Kumam 2013

Ilega me Kwano Kony

¹ Ango akok but Rwot kede dwan amalo; acwao kwac na but Rwot kede dwan amalo.

² Ango atero koko na i nyime; atatamo ne peko na dedede.

³ Kame cunya okwanyere, en kame engeo gikame ango apoore timo. Jokwor na ociko na obek i yongayo kame ango alubo.

⁴ Nen bada tetu cam, likame tie ngatamoro kame tamo pira; likame tie ngatamoro kame aromo ringo ot gwokere bute; likame tie ngatamoro kame paro pira.

⁵ Okwe Rwot, ango akok buti; ango awaco be in karingo nango me ot gwok, iner na i lobo me jo akuo.

⁶ Winy koko na, pien kotieko mina adoko goro. Laka ki cing jo kame tidilo ango, pien gin kitek twatwal kibwona.

⁷ Wota ki otkol, tetekeny akaruno pako nyingi. Jo kopoore bino cokere luka, pi bero adwong kame in itimo na.