Sabuli 130 - Baibuli I Leb Kumam 2013

Ilega me Kwano Kony

¹ Akok buti ki kakatut, Okwe Rwot,

² Rwot, winy dwana. Cik yiti iko winyo dwan kame amio kede kwac buti.

³ Ka koto in ibedo wandiko dub wa, Okwe Rwot, Rwot koto ngai obwot likame kongolo kop oloe?

⁴ Do in isasiro jo, me wek jo bed kede wor buti.

⁵ Ango akuro Rwot, kuo na kure, doko ango ageno kop kame ewaco.

⁶ Kuo nango kuro Rwot kalamo jo kame kuro ru me piny, kalamo jo kame kuro ru me piny.

⁷ Okwe jo me Isirael, bedunu kede gen but Rwot! Pien Rwot tie kede amara kalikame lokere, doko en etie kede twer adwong me lako jo.

⁸ En nono kame ebino lako jo me Isirael ki dub gi dedede.