Sabuli 13 - Baibuli I Leb Kumam 2013

Ilega me Kwano Kony

¹ Okwe Rwot, tuno awene? Mam wi do oyaro wil keda atwal atwala? Iyaro loko na ngei tuno awene?

² Miero akany lito tuno awene, di atie kede cwercuny iwor kede iceng? Ngakwor na oyaro lelo i wia tuno awene?

³ Okwe Rwot Rubanga na, winya di iko konya! Dwok teko na, ka li, ango ayaro to.

⁴ Ngakwor na di ko bino waco be, “Atieko bwone”; ngakwor na oyaro lelo pien kobwona.

⁵ Do ango ageno amara nin kalikame lokere; abino bedo kede ilel pi in ilaka.

⁶ Rwot ango abino wer ne in, piento in itimo nango bero adwong.