Sabuli 128 - Baibuli I Leb Kumam 2013

Gikame Rwot Mio Ngat Alwore

¹ Etie kede yomcuny ngat kame lworo Rwot, ngat kame lubo yote mege.

² In ibino camo anyakini kame kwok ni okelo; in ibino bedo kede yomcuny, doko gi dedede bino bedo ni kiber.

³ Dako ni bino bedo bala olok kame nyak i odi; idwe ni bino bedo tot bala alibo me olibeti, di kiluko emesa ni.

⁴ Manoni en winyo me ngat kame lworo Rwot bino udo.

⁵ Akwao Rwot mi winyo buti ki Sion, akwao be poore inen lonyo me Yerusalem i kare me kuo ni lung.

⁶ En miero emi inen ikwae kede ikwae ni. Mulem bed i Isirael.