Sabuli 126 - Baibuli I Leb Kumam 2013

Ilega me Kwano Alako

¹ Kakame Rwot odwoko ne kede Sion deyo mere, oudo ecal ne wa do bala lek.

² Manono oko mino wa obedo nyero anyera, di olelemo kede yomcuny; di do jo me atekerin apat oko cako yamo i kom wa be, “Rwot otieko timo negi gikame dongodongo.”

³ Rwot otieko timo ne wa gikame dongodongo, omio wan otie kede kilel.

⁴ Dwok ne wa bobo deyo kame bin otie kede, Okwe Rwot, bala pii kame dwogi i isamai me Negeb.

⁵ Mi jo kame cuo kodi di kikok kai kac kede ilelem me yomcuny.

⁶ Jo kame tie ot di kikok, di kimako kodi me acua, bino dwogo i miere kede ilelem me kilel, di kiyeo kal kame kikao.