Sabuli 125 - Baibuli I Leb Kumam 2013

Rwot Gwoko Jo Mege

¹ Jo kame geno Rwot cal bala moru me Sion, en likame eyangere do ebedo nakanaka.

² Bala kame mori oluko kede Yerusalem, kamanono da Rwot luko jo mege iepone nono, cako nataman kede i kare dedede.

³ Jo areco likame bino pugo lobo kame komio jo kopoore, tetekeny kur jo kopoore rwak cing gi i tim areco.

⁴ Tim bero ne jo kame timo bero, Okwe Rwot, kede ne jo kame cuny gi cil.

⁵ Do jo kame lokere lubo yote gi areco, Rwot bino tero gi karacel kede jo kame timo tim areco. Mulem bed i Isirael.