Sabuli 123 - Baibuli I Leb Kumam 2013

Ilega me Kwano Kisa

¹ Ango atingo wanga malo buti, Okwe in ngat kame bedo i kom ni me ajakanut i malo.

² Bala kame wang jotic ngio kede cing ngadwong gi, bala kame wang apasoit ngio kede cing min ot, kamanono da wang wada ngio Rwot Rubanga wa, paka tuno di kisa omake i kom wa.

³ Mi kisa maki i kom wa, Okwe Rwot, mi kisa maki i kom wa, pien wan otieko udo acae kame romo.

⁴ Anyera me jo kame tie kiber, kede acae me jo kame wakere otieko doko dwong i kuo wa.