Sabuli 122 - Baibuli I Leb Kumam 2013

Wer me Pako Yerusalem

¹ Ango oudo abedo tie kede yomcuny kakame gin kiwaco na kede be, “Ootunu i ot ka Rwot!”

² Nan do otie cungo i irutei nin, Okwe Yerusalem.

³ Yerusalem en bomba kame kogero sikisik,

⁴ en kakame atekerin bino iye, gin atekerin ka Rwot, bala kame oudo kociko kede ne jo me Isirael pi mino Rwot pwoc.

⁵ Abakai me ekeko ka Daudi obedo i komini gi me ajakanut i kanoni, pi ngolo ne jo kop.

⁶ Legunu pi Yerusalem bedo kede mulem: “Okwao be jo kame mari bed kede kuo aber.

⁷ Mulem bed tie i diere nin kakame apama ocelo, kede anapakin bed tie i ude ni me abaka!”

⁸ Pir imiegu na kede joaupa na abino waco be, “Mulem bed tie i diere nin Yerusalem!”

⁹ Pir ot ka Rwot Rubanga wa, abino lego ne in Yerusalem pi bedo kede bero.