Sabuli 121 - Baibuli I Leb Kumam 2013

Rwot en Ngagwok Wa

¹ Atingo wanga neno mori; kony na bino wok ki tuai?

² Kony na wok kibut Rwot, ngat kocweo malo kede piny.

³ En likame ebino weki i poto ipeko, ngat kame gwoki likame bino nino.

⁴ Neningo, ngat kame gwoko jo me Isirael likame bino amemerun amoto nino.

⁵ Rwot en ngat kame gwoki; Rwot en ngagwok nin bala dud tipo me yat kame tie i ngeti.

⁶ Ceng likame bino wangi i dier iceng, akadi duwe da likame bino timo ni gimoro iwor.

⁷ Rwot bino gwoki ki raco dedede, en ebino gwoko kuo ni.

⁸ Rwot bino gwoki cako in yai ot, tuno in dwogo, ebino konyi kamanoni cako nataman tuno ikar kede ikar.