Sabuli 120 - Baibuli I Leb Kumam 2013

Ilega me Kwano Kony

¹ I kare kame oudo atie kede i can ango ako kok but Rwot, akok be amoto egam koko na di awaco be,

² “Laka, Okwe Rwot, kibut jo kame dog gi opong kede angalo, kibut jo kame leb gi yamo kope me abe.”

³ Nyo kara kame kobino mino wu? Nyo ace bobo kame kobino timo ne wu wun jo kame lebu yamo kop me abe?

⁴ Kobino gwegweo wu kede imalia abit me ngayi, kobino wango wu kede itonge kobokere me mac.

⁵ Can kame atie iye, ineno bala ango ngakumbor i Mesek, ineno bala atie bedo i eema me Kedar.

⁶ Ango atieko tero kare alac di atie bedo i diere me jo kame dagi mulem.

⁷ Ango gira amaro mulem, do ka awaco kop moro amako mulem, gin kiko cako mito yi.