Sabuli 110 - Baibuli I Leb Kumam 2013

Rwot kede Abaka mere kame Eyero

¹ Rwot Rubanga owaco ne rwot na be, “Bedi i bada tetu cam tuno di ango atieko mini inyono jokwor ni piny i tieni.”

² Rwot bino cwano ebela ni me pug wok ki Sion di eko mini ibedo ngapug i diere me jokwor ni.

³ I ceng kame in ibino telo kede jo yi ni i wi moru kacil, jo ni bino jalere ken gi me ot yi, awobe ni bino bino buti bala toyo kame bino odiko.

⁴ Rwot otieko kwongere doko likame ebino loko tam mere be, “In itie ngasaseredoti ikar kede ikar, ibedo ngaluny ka Melkisedeki i tic mere me ngasaseredoti.”

⁵ Rwot tie i badi tetu cam; en ebino nyonyoto abakai i ceng me gero mere.

⁶ En ebino ngolo kop ne atekerin, eko mino liele me jo oto rwade kakame yi otimere iye; en ebino nyonyoto abakai i wi lobo lung.

⁷ En ebino mato pii ki osamai kame tie i nget yongayo; manono bino mino eudo teko me lono yi.