Sabuli 11 - Baibuli I Leb Kumam 2013

Bedo kede Gen i Rwot

¹ Ango aringo gwokere but Rwot. Benyo benyo kame in iwaco nango kede be, “Por bala winyo iko ot i mori,

² pien jo areco otieko kudo yat me emal gi pi tweno tol, gin kitieko ciko emal gi i tol, pi gweno i kakacol jo kame cuny gi ber.

³ Ka acakini me gimoro odubere, nyo nat kame jo kopoore karuno timo?”

⁴ Rwot tie i tempulo mere kacil; kom mere me ajakanut tie i malo. Wange neno jo dedede, en engico gikame gin kitimo.

⁵ En engingico jo kopoore kede jo areco dedede; cunye dagi jo amaro tim me gero.

⁶ En ebino onyo itonge me mac kede salupa kame liel i kom jo areco; en ebino wango gi kede yamo kame buko kakaliet.

⁷ Pien Rwot opoore; en emaro tice kopoore; jo kame cuny gi ber bino neno wange.