Biblia Todo Logo
Bìoball air-loidhne

- Sanasan -

Joroma 7 - Baibuli I Leb Kumam 2013


Apor kame yai ki Nyom

1 Imiegu kede amiegu na, mam ingeunu be iswil mako dano i kare me kuo mere kenekene? Pien atie yamo kede jo kame ngeo iswil.

2 Pi mano, Iswil tweo dako kame konyomo but cware tek ka pwodi cware kuo, do ka cware oto, en udo egonyere kiye iswil nono.

3 Mano mio ka en eoto bedo kede icuo ace di pwodi cware kuo, kobino lwonge be ngadote. Do ka cware oto, udo egonyere kiye iswil no, mio ka enyomere kede icuo ace, likame kolwonge be ngadote.

4 Imiegu kede amiegu na, etie kamanono kede wuda, wun itiekunu to kiye Iswil pi kom Kirisito, me wek ibedunu jo mege, en ngat kame koyaruno ki to, tetekeny onyakunu anyakini abeco ne Rubanga.

5 I kare kame bin wan otienu di okuounu i ekite me kuo me kom, mit wa me dub kame oudo Iswil mio wa obedo kede, oudo tie tic i adulion me kom wa, pi mino wa bedo kede kuo kame nyako anyakini kame kelo to.

6 Do nan kotieko gonyo wa kiye Iswil, otiekunu jiko kuo i gikame bin otweo wa, tetekeny likame bobo otiunu di olubunu Iswil kame bin kowandiko, do di olubunu kuo anyen me Tipo.


Iswil kede Dub

7 Nan do owacunu benyo? Be Iswil en dub? Likame kamano. Pien ka koto Iswil oudo li, koto ango likame angeo dub. Oudo koto likame angeo be ingobel en nyo ka koto Iswil oudo likame owaco be, “Kur ingobelo jame me jo.”

8 Do pi cik nono, dub oko udo winyo me mina bedo kede epone dedede me paro jame me jo. Abongo Iswil, dub udo tie bala gikame oto.

9 Di bin Iswil oudo li, ango oudo akuo, do i kare kame cik obino kede, dub oko catuno di ango ako to.

10 Cik nono kame oudo poore kelo kuo oko doko gikame kelo nango to.

11 Pien dub oudo kare me bedo tie pi cik, en eko ngala, di eko tic i cik eko neka.

12 Aso, Iswil tie gikame cil kede cik da obedo gikame cil, en etie gi me ateni, doko eber.

13 Pi mano, mam do gikaber en oko kelo nango to? Likame kamano! Dub en okelo nango to di etio i gikaber, tetekeny amoto dub neeno be en dub, di pi cik en eko doko dub kalikame wacere.


Piem kame tie i Cuny Wa

14 Wan ongeunu be Iswil mako kop me cuny; do ango atie kom kame kocato pi bedo epasoit me dub.

15 Ango likame aniang tim na; pien nakanaka likame atimo gikame amito, do alunyo timo gikame adagi.

16 Nan do ka nakanaka ango atimo gi kalikame ango amito, udo ayei do be Iswil ber.

17 Pi mano, likame ango en kame atimo gini, do dub kame tie i ango en kame time.

18 Pien ango angeo be likame tie gimoro kame ber kame tie i ango i kite me kuo me kom. Cunya mito timo gikaber, do likame atwero timo.

19 Pien likame atimo gikame amito kame ber, do alunyo timo gikarac kame cunya dagi.

20 Aso ka ango atimo gikame cunya dagi, udo doko likame ango en kame atime, do dub kame tie i ango en kame time.

21 Aso, omio ango audo etie bala iswil be, tek ka amito timo gimoro aber, dub bedo iyapiyapi keda.

22 Pien ango i kuo na cunya yom pi iswil ka Rubanga,

23 do aneno iswil ace tie yi i adulion me koma kede Iswil kame tie i tam na, di eko mina abedo mabus me iswil me dub, kame tie i adulion me koma.

24 Ango atie dano kame li kede yomcuny. Ngai kame bino laka ki koma kame bino kelo na to noni?

25 Do ango apwoyo Rubanga pi Yesu Kirisito Rwot wa. Aso etie kaman, ango tam na tie epasoit me iswil ka Rubanga, do kite na me anywali me kom tie epasoit me iswil kame kelo dub.

Baibuli I Leb Kumam © Bible Society of Uganda, 2013.

Bible Society of Uganda
Lean sinn:



Sanasan