Biblia Todo Logo
Bìoball air-loidhne

- Sanasan -

Isaya 28 - Baibuli I Leb Kumam 2013


Ikwenyar but Ajakanut kame tie i Bad tetu Malo

1 Etie i can bomba kame tie i aditot kame lobo mere mio, kame deyo mere tie kwanyere bala ature kame komwomwono i ocoro me ewaka, kame tie i wi joamera me Epuraimu, jo kame camo cam abeco di kiko mer kede bwini.

2 Nenunu, Rwot tie kede ngat atie kede twer di etek, bala kot kame cwei kede akako, bala yamo agwai me kot kame dudubo jame, bala alele akokomar; en ebino kwito jo piny kede teko kacal kamanono.

3 Ocoro me ewaka me joamera me Epuraimu kobino nyono piny kede tien.

4 Deyo kame tie tiek, kame tie i bomba kame tie i aditot kame lobo mere mio, bino bedo bala anyakini me epigi kame cako cek. Cucuto ka dano ongwede, en ecame abongo gal.

5 I kare nono, Rwot me jo yi bino bedo but jo mege kodong bala ocoro me deyo kame kotimo kede ature.

6 En ebino mino jongolkop cuny me ngolo kop i ateni, kede ebino mino jo kame daro erute me bomba teko me gengo jo kame mito suro bomba.


Isaya kede Inabin Amer me Yuda

7 Josaseredoti kede inabin gete pien kimer, kongo akec wingo wi gi. Bwini omio wi gi likame tio. Wi gi do likame twero niang gianyuta ka Rubanga kede ngolo ne jo kop kiber.

8 Ngok gi otieko pwoko imesai dedede, likame iudo karamoro acil da.

9 Gin kiwaco kop i koma be, “En eparo be etie pwonyo ngai? Etie tatamo ne ngai kop mere? Eparo be wan odoko idwe kame pwodi kotwono atwona dot?

10 Etie pwonyo wa enyukuta kede enyukuta, eroto kede eroto, wi kop kede wi kop.”

11 Ka wun idagunu winyo kop nango, Rubanga bino yamo kede wu i dog jokumbor kame dwalo leb kalikame ingeunu.

12 En etieko mino wu wei kede anapakin, do wun ikounu dagi winyo kop mere.

13 Manono en komio Rwot bino pwonyo wu enyukuta kede enyukuta, eroto kede eroto, wi kop kede wi kop. Di do ikounu bino ot di ikounu poto ataru paka wanere, di ikounu moko i owic, di oko bino tero wu.


Kidi me Esonda ne Sion

14 Winyunu kop ka Rwot, wun joewaka kame pugo jogi i Yerusalem.

15 Wun iwakerenu be itiekunu timo isikan kede to, be itiekunu moko winyere wu kede kabedo me jo oto. Igenunu be ka can alit opoto likame ebino mulo wu, pien itiekunu mino kop me abe odoko kakame iringunu ot gwokere iye, kop kalikame ateni odoko ot kame igwokerenu iye.

16 Pi manono, Rwot owaco be, “Ango atie cibo i Sion kidi me acakini me apama, kidi kame kotieko tamo, kidi me wel amalo, en ebino bedo acakini atek me apama mere. Ngat kame gene likame bino bedo kede mielkom moro.

17 Abino mino ngolo kop i ateni bedo tol me pimo acakini me apama nono, kede tim kopoore ko bedo gi me rieno apama mere.” Kot me akako bino molo kakame iringunu gwokere iye, manono en kop me abe, di pii ko bino pongo kagwokere wu.

18 Isikan kame itimunu kede to kobino kwanyo, winyere kame imokunu kede kabedo me jo oto likame bino cungo; kame can adwong nono obeo, en ebino rieco wu piny.

19 Can nono bino ruruco jwato wu; ebino beo ne wu odiko acelacel, iceng kede iwor. Niang dwong me gikame bino timere noni bino kelo ne wu twon lworo.

20 Ibinunu bedo bala dano kame itanda mere cecek likame rome, doko da alang mere diding likame ume pukupuk.

21 Pien Rwot bino lepun bala kame bin etimo i moru me Perasim kede i aditot me Gibeon, pi timo gikame emito timo, tim apat apata; pi cobo tic mere, tic kalem pwodi kwiire.

22 Pi manono, kur icaunu gikame akwenyaro wu iye, pien ka itimunu manono, bwot wu bino bedo tek. Ango awinyo di Rwot Rubanga me jo yi moko cik me dudubo lobo lung.


Rieko ka Rubanga

23 Winyunu dwana; cikunu yitu i gikame atie waco.

24 Benyo, jo kame puro poto pi pito kodi bedo pur apura kamanono nakanaka? Benyo kibedo boko poto di kiloko nakanaka?

25 Kame gin kitieko iiko poto, mam gin kicuwo egere me amalakwang kame kolwongo be dili kede cumin; mam kipito engano i irotin kede mawele kakame kopoore pite iye, di kiko pito kodere ace ilak poto?

26 Gin kingeo gikame kipoore pi timo, pien Rubanga gi otieko pwonyo gi.

27 Kame kotieko nyaro dili kede cumin, likame komio twonin wire di kiwao ebao apek arabo agadigadi pi nginyo gi, do kocanyo gin kede ikong.

28 Likame kodudupo engano cutucutu paka bebelo nyige mege, gin kingeo epone me mino twonin rigao en kede ebao abongo bebelo nyige gi.

29 Rieko noni dedede wok kibut Rwot me jo yi; en emio tam me aura, doko rieko mere dwong dwong kalikame wacere.

Baibuli I Leb Kumam © Bible Society of Uganda, 2013.

Bible Society of Uganda
Lean sinn:



Sanasan