Isaya 12 - Baibuli I Leb Kumam 2013

Wer me Mino Pwoc

¹ Ka ceng nono otuno, ibinunu waco be, “Amio pwoc buti, Okwe Rwot, pien bed bala oudo idoko ger na, do iko jiko gero ni, di iko kweno cunya.

² Ateteni Rubanga en kame laka; ango abino keto gen na i kome di likame ako bedo kede lworo. Rwot en amia teko kede twer, en kame elaka.

³ Bala kame pii angic kelo kede yomcuny but jo kame orio oneko, kamanono da jo ka Rubanga bedo kede kilel kame elako gi.”

⁴ I ceng nono wun ibinunu waco be, “Miunu Rwot pwoc, lwongunu nyinge. Wacenu atekerin apat gikame en etimo. Wacenu gi be nyinge dwong.

⁵ Werunu ne Rwot were me pak pi jamini adongodongo kame en etimo. Miunu manoni ngere i wi lobo lung.

⁶ Poore jo dedede kame bedo Sion lelemo kitek di kiwero kede kilel, pien Rubanga kacil me Isirael dwong; en ebedo i diere me jo mege.”