Esita 10 - Baibuli I Leb Kumam 2013

Dwongo ka Sereses kede Modekai

¹ Abaka Sereses bin oko mino jo kame bedo i piny mere dedede kiton jo kame bin tie bedo i dog name timo tic tetek.

² Gi dedede kame en bin eko timo pi twer kede teko mere, kede itatam dedede amako ruom amalo kame en bin eko mino Modekai, gin dedede kowandiko gi i itabun kame tatamo kop amako abakai me Media kede Pasia.

³ Modekai ngat kame obedo Eyudayat en kame bin lubo tien Abaka Sereses. En oudo ebedo dano kame Iyudayan wad gi woro twatwal, doko oudo kimare adikinicel. En ebedo timo teko pi mono bero ne jo mege kede anapakin pi ikwae gi dedede.