Esera 2 - Baibuli I Leb Kumam 2013

Nying Jo Kodwogo ki Obukui kakame oudo kitie iye Mabus

¹ Jo atot kame oudo tie bala mabus obukui oko bin yai ki adul me Babilon, di kiko dok Yerusalem i Yuda, ngat acelacel i bomba me turgi. Gin bin oudo kitie bedo bala mabus obukui, i Babilon, cako i kare kame Abaka Nebukadunesa omako gi kede di oko tero gi bala mabus.

² Gin bin kiko dwogo kede jotel gi, gin en Serubabel, Yesua, Nekemia, Seraya, Relaya, Modekai, Bilisan, Misipar Bigibai, Rekum, kede Bana. Magi en wel me jo me Isirael:

³ Ikwae ka Paros, gin jo tutumia are kede tol acel kede ot kanyaare kiwie are (2,172);

⁴ me ka Sepatia, gin jo tol adek kede ot kanyaare kiwie are (372);

⁵ me ka Arak, gin jo tol kanyaare kede ot kanyaare kiwie kany (775);

⁶ me ka Pakat Moab (magonogo en ikwae ka Yesua kede Joab), gin jo tutumia are kede tol kanyauni ki tomon kiwie are (2,812);

⁷ me ka Elam, gin jo tutumia acel kede tol are kede ot kany kiwie ongwon (1,254);

⁸ me ka Satu, gin jo tol kanyangon kede ot ongwon kiwie kany (945);

⁹ me ka Sakai, gin jo tol kanyaare kede ot kanyape (760);

¹⁰ me ka Bani, gin jo tol kanyape kede ot ongwon kiwie are (642);

¹¹ me ka Bebai, gin jo tol kanyape kede ot are kiwie adek (623);

¹² me ka Asagad, gin jo tutumia acel kede tol are kede ot are kiwie are (1,222);

¹³ me ka Adonikam, gin jo tol kanyape kede ot kanyape kiwie kanyape (666);

¹⁴ me ka Bigibai, gin jo tutumia are kede ot kany kiwie kanyape (2,056);

¹⁵ me ka Adin, gin jo tol ongwon kede ot kany kiwie ongwon (454);

¹⁶ me ka Ater (kolwonge da be Esekia), gin jo ot kanyangon kiwie kanyauni (98);

¹⁷ me ka Besai, gin jo tol adek kede ot are kiwie adek (323);

¹⁸ me ka Yora, gin jo tol acel kede tomon kiwie are (112);

¹⁹ me ka Kasum, gin jo tol are kede ot are kiwie adek (223);

²⁰ me ka Gibar, gin jo ot kanyangon kiwie kany (95).

²¹ Magi en wel me jo oko dwogo di kolubo kede nying bomban kame bin joakwari gi obedo iye: ki Betelem, jo tol acel kede ot are kiwie adek (123);

²² ki Netopa, jo ot kany kiwie kanyape (56);

²³ ki Anatot, jo tol acel kede ot are kiwie kanyauni (128);

²⁴ ki Asimabet, jo ot ongwon kiwie are (42);

²⁵ ki Kiriatarim, Kepira, kede Berot, jo tol kanyaare kede ot ongwon kiwie adek (743);

²⁶ ki Rama kede Geba, jo tol kanyape kede ot are kiwie acel (621);

²⁷ ki Mikimas, jo tol acel kede ot are kiwie are (122);

²⁸ ki Betel kede Ai, jo tol are kede ot are kiwie adek (223);

²⁹ ki Nebo, jo ot kany kiwie are (52);

³⁰ ki Magabis, jo tol acel kede ot kany kiwie kanyape (156);

³¹ ki Elam ocelu, jo tutumia acel kede tol are ki ot kany kiwie ongwon (1,254);

³² ki Karim, jo tol adek kede ot are (320);

³³ ki Lod, Kadid, kede Ono, jo tol kanyaare kede ot are kiwie kany (725);

³⁴ ki Jeriko, jo tol adek kede ot ongwon kiwie kany (345);

³⁵ ki Sena, jo tutumia adek kede tol kanyape ki ot adek (3,630).

³⁶ Magi en wel me jo oko dwogo ki ude acelacel me josaseredoti: me ka Yedaya (ikwae ka Yesua), jo tol kanyangon kede ot kanyaare kiwie adek (973);

³⁷ me ka Imer, jo tutumia acel kede ot kany kiwie are (1,052);

³⁸ me ka Pasikur, jo tutumia acel kede tol are kede ot ongwon kiwie kanyaare (1,247);

³⁹ me ka Karim, jo tutumia acel kede tomon kiwie kanyaare (1,017).

⁴⁰ Magi en wel me jo oko dwogo ki buli ot me Jolebi: me ka Yesua kede Kadamiel (ikwae ka Kodabia), gin jo ot kanyaare kiwie ongwon (74).

⁴¹ Jower: ikwae ka Asap, gi jo tol acel kede ot are kiwie kanyauni (128).

⁴² Jodar irutei me tempulo: ikwae ka Salum, me ka Ater, me ka Talemon, me ka Akub, me ka Katita, kede me ka Sobai, gin dedede jo tol acel kede ot adek kiwie kanyangon (139).

⁴³ Magi en nying ude me jo kame timo tic i tempulo, kame bin ikwae gi oko dwogo: Sika, Kasupa, Tabaot,

⁴⁴ Keros, Siaka, Padon,

⁴⁵ Lebana, Kagaba, Akub,

⁴⁶ Kagab, Samulai, Aanan,

⁴⁷ Gidel, Gekar, Reaya,

⁴⁸ Resin, Nekoda, Gasam,

⁴⁹ Usa, Pasea, Besai,

⁵⁰ Asina, Meunim, Nepisim,

⁵¹ Bakabuk, Kakupa, Karakur,

⁵² Baselut, Mekida, Karasa,

⁵³ Barakos, Sisera, Tema,

⁵⁴ Nesia, kede Katipa.

⁵⁵ Magi en nying ude me jotic ka Sulumani kame bin oko dwogo ki obukui: Sotai, Kasoperet, Peruda,

⁵⁶ Yala, Darakon, Gidel,

⁵⁷ Sepatia, Katil, Pokeret Kasebaim, kede Ami.

⁵⁸ Wel dedede me ikwae ka jotic me tempulo kede me ka jotic ka Sulumani kame oko dwogo ki obukui oudo tie tol adek kede ot kanyangon kiwie are (392).

^59-60 Oudo tie jo tol kanyape kede ot kany kiwie are (652) koudo odwogo da ki obukui, gin jo me ikekon ka Delaya, Tobia, kede Nekoda, do oudo likame tie gikame gin kitwero nyuto kede be gin kibedo jo me Isirael. Gin bin kidwogo ki bomban me Tel Mela, Tel Karasa, Kerub, Adan, kede Imer.

^61-62 Doko da ude mogo me josaseredoti likame oko twero udo iwandik kame nyuto wapere me joakwari gi; ude nogo ige: Kabaya, Kakos, Barisilai. (Kwaru me josaseredoti me ot ka Barisilai oudo bin onyomo dako me ot ka Barisilai me Gilead, di do en bin eko tero nying ot kame ore oudo owok kiye nono.) Pi kite kame gin likame kiko twero nyuto kede wapere me joakwari gi, omio likame oko gamo gi pi bedo josaseredoti.

⁶³ Ngapug oko waco negi be likame kipoore camo cam kame koyalo ne Rubanga tuno di kotieko tic kede Urim kede Tumim pi udo niang i kom kop nono.

⁶⁴ Wel me jo dedede kodwogo ki obukui oudo tie tutumia ot ongwon kiwie are kede tol adek ki ot kanyape (42,360),

⁶⁵ medo i wi jotic acuo kede amon tutumia kanyaare kede tol adek ki ot adek kiwie kanyaare (7,337), kede jower tol are (200) kobedo cuo kede mon.

⁶⁶ Oudo kitie kede asigiran tol kanyaare kede ot adek kiwie kanyape (736),

⁶⁷ leini acal bala pundan tol are kede ot ongwon kiwie kany (245), aguraguran tol ongwon kede ot adek kiwie kany (435), kede pundan tutumia kanyape kede tol kanyaare ki ot are (6,720).

⁶⁸ Cucuto di gin bin kituno i tempulo i Yerusalem, jotel mogo me ude oko mino giamia me bercuny pi konyo tic me temuno gero tempulo kakame oudo bin ecungo iye sek.

⁶⁹ Gin bin kimio saabu kame romo kilo tol kany (500) ka koriribo gi dedede, kede kilo tutumia are kede tol kanyauni (2,800) me siliba, kede ikanson tol acel (100) me josaseredoti.

⁷⁰ Josaseredoti, Jolebi, kede jo mogomogo ace oko donyo bedo Yerusalem kede i calere kame kio kede; di jower, jodar irutei, kede jotic me tempulo, karacel kede jo ace me Isirael oko dok bedo i bomban kame joakwari gi bin bedo iye.