Ageini 36 - Baibuli I Leb Kumam 2013

Ikwae ka Esau

¹ Jogi en kame obedo ikwae ka Esau, ngat kame kolwongo da be Edom.

² Esau bin onyomo mon mege kikom anyira me Kanan, gin ige: Ada nyar ka Elon Ngakiti, Okolibama nyar ka Ana wot ka Sibeon Ngakibi,

³ kede Basemat nyar ka Isimael, en amin me Nebaiot.

⁴ Ada bin oko nywalo ne Esau Elipasi; Basemat bin oko nywalo Reuel;

⁵ Okolibama bin oko nywalo Yeus, Yalam kede Kora. Jogo nogi en kame obedo awobe ka Esau, kame bin en eko nywalo i lobo me Kanan.

⁶ Di do Esau bin oko yai kede mon mege, awobe mege, anyira mege kede jo dedede me i ode, doke mege kede leini mege dedede, kiton jamini dedede kame bin en eko udo di etie i lobo me Kanan. Di en eko ot kabedo ace kame bin bor kede omin mere Yakobo.

⁷ Pien lobo kame gin oudo kitie bedo iye oudo odoko do diding negi, pien jamini kame gin bin kitie kede oudo tot twatwal, manoni oko mino likame oudo kikaruno dong bedo karacel.

⁸ Pi mano, Esau, kame nyinge da Edom, oko do bin donyo bedo i piny me Seir, piny me mori.

⁹ Jogi en kame obedo ikwae ka Esau, kwaru me jo Edom, kame bedo Seir i piny me mori.

¹⁰ Nying awobe ka Esau ige: Elipasi, awobi kame en bin enywalo kede Ada dako mere; Reuel, awobi kame en bin enywalo kede Basemat dako mere da.

¹¹ Awobe ka Elipasi bin gin en Teman, Omar, Sepo, Gatam kede Kenas.

¹² Elipasi wot ka Esau bin oko nyomo dako ace kame bin nyinge Timina, ngat oko nywalo ne Amalek. Jogo en kame obedo awobe ka Esau kame enywalo kede Ada dako mere.

¹³ Awobe ka Reuel bin gin ige: Nakat, Seera, Sama kede Misa. Jo nogo en kame bin obedo awobe ka Esau kame bin enywalo kede Basemat.

¹⁴ Awobe ka Okolibama, dako ka Esau, nyar ka Ana wot ka Sibeon gin ige: en bin eko nywalo ne Esau Yeus, Yalam kede Kora.

¹⁵ Magi en ikekon me awobe ka Esau. Awobe ka Elipasi kao ka Esau bin obedo kwaru me jo me ikekon gi: Teman, Omar, Sepo, Kenas,

¹⁶ Kora, Gatam kede Amalek. Magonogo en ikekon ka Elipasi, kame bin bedo i lobo me Edom. Jo nogi en kame obedo ikwae ka Ada.

¹⁷ Ikekon kame bin owok kibut Reuel wot ka Esau gin en: Nakat, Seera, Sama, kede Misa. Jogi dedede bin obedo ikwae ka Basemat dako ka Esau.

¹⁸ Ikekon kame bin owok kibut dako ka Esau Okolibama, nyar ka Ana gin en: Yeus, Yalam, kede Kora.

¹⁹ Ikekon nogi dedede bin owok kibut Esau.

Ikwae ka Seir

²⁰ Jogi en kame obedo awobe ka Seir Ngakorit, kame bin ogeo bedo i lobo nono sek: Lotan, Sobal, Sibeon, Ana,

²¹ Dison, Eser, kede Disan; awobe ka Seir nogi da en kame obedo ikekon me jo Korit, kame bin bedo i lobo me Edom.

²² Ikekon kame bin owok kibut Lotan gin en Kori kede Keman. Timina en kame bin obedo amin me Lotan.

²³ Awobe ka Sobal gin bin ige: Aluban, Manakat, Ebal, Sepo kede Onam.

²⁴ Awobe ka Sibeon bin gin en: Aya kede Ana. Ana nono en kame bin oko ngoole i kom atan kame lelepo pii aliet i wi itela, di oudo en etie kwano pundan ka papa mere Sibeon.

²⁵ Idwe ka Ana bin gin en: Dison kede Okolibama.

²⁶ Awobe ka Dison bin gin en: Kemudan, Esiban, Itiran kede Keran.

²⁷ Awobe ka Eser bin gin en: Bilkan, Saaban kede Akan.

²⁸ Awobe ka Disan bin gin en: Us kede Aran.

²⁹ Nying ikekon me jo Korit bin ige: Lotan, Sobal, Sibeon, Ana,

³⁰ Dison, Eser kede Disan. Magonogo en kame obedo ikekon me jo Korit i lobo me Seir.

Abakai me Edom

³¹ Abakai kame bin opugo lobo me Edom di bin pwodi likame abaka moro opugo jo me Isirael gin ige:

³² Bela wot ka Beor bin opugo Edom. Nying bomba mere bin Dinkaba.

³³ Kakame Bela bin oko to kede, Yobab wot ka Seera me Bosira oko lunyo wange bala abaka.

³⁴ Yobab bin oko to di Kusam dano me adul me Teman oko lunyo wange bala abaka.

³⁵ Kakame Kusam oko to kede, Kadad wot ka Bedad, ngat kame bin oko bwono jo me Midian i piny me Moab, oko lunyo wange bala abaka. Nying bomba mere bin Abit.

³⁶ Kadad bin oko to di Samila me Masereka oko lunyo wange bala abaka.

³⁷ Kakame Samila oko to kede, Saul me bomba me Rekobot kame bin tie i nget ecilet me Eupurate, oko bin lunyo wange bala abaka.

³⁸ Saul bin oko to di Baal Aanan wot ka Acibor oko lunyo wange bala abaka.

³⁹ Kakame Baal Aanan wot ka Acibor oko to kede, Kadar bin oko lunyo wange bala abaka. Nying bomba mere bin Pau; nying dako mere bin Meketabel, nyar ka Matured, nyar ka Mesakab.

⁴⁰ Ikekon me jo kowok kibut Esau di lubere kede ude gi kede kabedere gi nying gi ige: Timina, Aluba, Yetet,

⁴¹ Okolibama, Ela, Pinon,

⁴² Kenas, Teman, Mibisar,

⁴³ Magadiel kede Iram. Magonogi en kame obedo ikekon me jo Edom di lubere kede kabedere gi i lobo kame bin gin kiko donyo bedo iye. Esau en kame obedo kwaru me jo Edom.