Ageini 10 - Baibuli I Leb Kumam 2013

Ikwae me Awobe ka Nua

¹ Mage en idwe me awobe ka Nua, Sem, Kam kede Yapesi. Gin bin kiko nywalo idwe di alele otiek.

² Awobe ka Yapesi gin en: Gomer, Magog, Madai, Yaban, Tubal, Mesek kede Tiras.

³ Awobe ka Gomer gin en: Asukenas, Ripat kede Togarama.

⁴ Idwe ka Yaban gin en: Elisak, Tarusi, Kitim kede Rodanim.

⁵ Gin nogo en kame jo abedo i nget nam opokere ki kom gi. Doko gin en ikwae ka Yapesi kame oko pokere bedo i lobere apapat, ngat acelacel kede leb mere, jo me ode, kede atekerin mege.

⁶ Awobe ka Kam gin en: Kus, Misiri, Put kede Kanan.

⁷ Awobe ka Kus gin en: Seba, Kabila, Sabuta, Rama kede Sabuteka. Awobe ka Rama gin en: Seba kede Dedan.

⁸ Kus bin oko nywalo Nimurod ngat kame oko cako bedo twon dano atek me wi lobo.

⁹ En bin ebedo ngadwar atek i nyim Rwot. En omio jo maro waco be, “Bed cal bala Nimurod kame bin obedo ngadwar atek i nyim Rwot.”

¹⁰ En bin ecako ajakanut mere ki Babel, Erek kede Akad, kame dedede oudo tie i lobo me Sinar.

¹¹ En bin eko yai ki piny no di eko ot Asiria eko gero bomban me Ninebe, Rekobot Ir, Kala

¹² kede Resen kame tie i dierediere me Ninebe kede bomba adwong me Kala.

¹³ Misiri bin oko nywalo jo me Ludim, Anamim, Lekabim, Naputukim,

¹⁴ Paturosim, Kasulukim kede Kaputorim, kakame jo me Pilistia owok kiye.

¹⁵ Kanan bin oko nywalo Sidon, atin kao mere, di do Ket lubo.

¹⁶ Gin en kame oko wok kibut gi jo Yebu, jo Amor, jo Girigas,

¹⁷ jo Kibi, jo Araki, jo Sini,

¹⁸ jo Aribadi, jo Semar kede jo Kamat. I cen mere jo me Kanan oko sarakin.

¹⁹ Manono oko mino ikor gi onyai yai ki Sidon ot tetu Gerar, kiton tuno Gasa, kede bobo ot tetu Sodoma, Gomora, Adama kede Seboim, kiton tuno Lasa.

²⁰ Jo nogi en kobedo ikwae ka Kam, di lubere kede ot ki ot, leb gi, lobere gi kede atekerin gi.

²¹ Sem da, omin me Yapesi adwong bin oko nywalo idwe awobe. En bin ebedo kwaru me idwe ka Eber dedede.

²² Awobe ka Sem gin ige: Elam, Asur, Arupakasad, Lud kede Aram.

²³ Awobe ka Aram gin ige: Us, Kul, Geter kede Mas.

²⁴ Arupakasad oko nywalo Sela; Sela oko nywalo Eber.

²⁵ Eber oko nywalo idwe awobe are. Nying ngat acel bin oko cako be Peleg, pien bin jo me piny opopokun i kare meren. Omin mere bin en Yokutan.

²⁶ Yokutan bin oko nywalo Alumodad, Selep, Kasarumabet, Jera

²⁷ kede Kadoram, Usal, Dikula

²⁸ kede Obal, Abimael, Seba

²⁹ kede Opir, Kabila kede Yobab. Gin dedede kibedo awobe ka Yokutan.

³⁰ Lobo kame gin bin kibedo iye cakere ki Mesa di eko ot kiton tuno Separ, adul kame obedo mori mori, kame bin tie tetu kide.

³¹ Magonogi gin en ikwae ka Sem, di lubere kede ude gi, leb gi, lobere gi kede atekerin gi.

³² Magonogi en ude me awobe ka Nua, di lubere kede joakwari gi, atekerin gi; kibut gin da en kame atekerin me lobo onyai kiye di bin alele otiek.