1 Iyutun 6 - Baibuli I Leb Kumam 2013

Wapere me Joakwari ka Jotel me Josaseredoti

¹ Lebi oudo tie kede awobe adek: Gereson, Kokat, kede Merari.

² Kokat oudo tie kede awobe ongwon: Amuram, Isikar, Keburon, kede Usiel.

³ Amuram oudo tie kede awobe are: Aaron kede Musa, kede amin gi Miriamu. Aaron oudo tie kede awobe ongwon: Nadab, Abiku, Eleasar, kede Itamar.

⁴ Man en oudo epone kame ikwae kede ikwae ka Eleasar olubere kede: Pinekasi, Abisua,

⁵ Buki, Usi,

⁶ Serakia, Merayot,

⁷ Amaria, Akitub,

⁸ Sadoki, Akimas,

⁹ Asaria, Yokanan,

¹⁰ Asaria (en ngat kame bin etio bala ngasaseredoti i tempulo kame Abaka Sulumani ogero Yerusalem),

¹¹ Amaria, Akitub,

¹² Sadoki, Salum,

¹³ Kilikia, Asaria,

¹⁴ Seraya, Yekosadoki.

¹⁵ Rwot bin oko tic kibut Nebukadunesa di eko mako Yekosadoki karacel kede jo ace me Yuda kede me Yerusalem, di eko tero gi obukui bala mabus.

Ikwae ace ka Lebi

¹⁶ Lebi bin tie kede awobe adek: Gereson, Kokat, kede Merari.

¹⁷ Buli ngat acelacel kibut gi oudo tie kede awobe. Awobe ka Gereson gin ige: Libini kede Simei.

¹⁸ Awobe ka Kokat gin ige: Amuram, Isikar, Keburon, kede Usiel;

¹⁹ Merari en oudo obedo papa me Makali kede Musi.

²⁰ Man en epone kame ikwae kede ikwae ka Gereson olubere kede: Libini, Yakat, Sima,

²¹ Yoa, Ido, Seera, Yeaterai.

²² Man en epone kame ikwae kede ikwae ka Kokat olubere kede: Aminadab, Kora, Asir,

²³ Elikana, Ebiasap, Asir,

²⁴ Takat, Uriel, Usia, Saul.

²⁵ Elikana oudo tie kede awobe are: Amasai kede Akimot.

²⁶ Man en epone kame ikwae kede ikwae ka Akimot olubere kede: Elikana, Sopai, Nakat,

²⁷ Eliab, Yerokam, Elikana.

²⁸ Samuel oudo tie kede awobe are: Yoweri awobi adwong, kede Abija awobi atidi.

²⁹ Man en epone kame ikwae kede ikwae ka Merari olubere kede: Makali, Libini, Simei, Usa,

³⁰ Simea, Kagiya, Asaya.

Jower me Tempulo

³¹ Magi en bin jo kame Abaka Daudi ocibo pi telo kop amako wer i tempulo ka Rwot, ingei tero Sanduku me Isikan iye.

³² Gin oudo kilere wer i Eema ka Rwot i kare kame Abaka Sulumani oudo pwodi likame ogero kede tempulo i Yerusalem.

³³ Nying ude kame jonogi oudo wok kiye oudo wapere kaman: Ot ka Kokat: Keman wot ka Yoweri en oudo obedo ngat koudo telo jower me agege. Nying joakwari mege wapere tuno i kom Yakobo kaman: Keman, Yoweri, Samuel,

³⁴ Elikana, Yerokam, Eliel, Toa,

³⁵ Sup, Elikana, Makat, Amasai,

³⁶ Elikana, Yoweri, Asaria, Sepania,

³⁷ Takat, Asir, Ebiasap, Kora,

³⁸ Isikar, Kokat, Lebi, Yakobo.

³⁹ Asap en koudo telo ekodet me are me jower. Joakwari mege wapere paka tuno i kom Lebi kaman: Asap, Berekia, Simea,

⁴⁰ Emikairi, Baseya, Malikija,

⁴¹ Etini, Seera, Adaya,

⁴² Etan, Sima, Simei,

⁴³ Yakat, Gereson, Lebi.

⁴⁴ Etan dano me ot ka Merari en oudo obedo ngatel me ekodet me adek me jower. Joakwari mege wapere paka tuno i kom Lebi kaman: Etan, Kisi, Abidi, Maluk,

⁴⁵ Kasabia, Amasia, Kilikia,

⁴⁶ Amisi, Bani, Semer,

⁴⁷ Makali, Musi, Merari, Lebi.

⁴⁸ Jolebi ace apat oudo kopoko negi tice ace apat dedede kame kotimo i ot me woro Rubanga.

Ikwae ka Aaron

⁴⁹ Aaron kede ikwae mege oudo tic gi en mino giayala me odok angwe kur kede giayala kame kowango i wi alutari. Gin oudo kitimo tice dedede me Kabedo Kacil Kalamo, kede tic amako giayala me kwanyo dub me jo me Isirael. Gin oudo kitimo manoni di lubere kede cik kame Musa ngatic ka Rubanga omio gi.

⁵⁰ Nying ikwae ka Aaron lubere kaman: Eleasar, Pinekasi, Abisua,

⁵¹ Buki, Usi, Serakia,

⁵² Merayot, Amaria, Akitub,

⁵³ Sadoki, Akimas.

Kakame Jolebi Bedo Iye

⁵⁴ Man en adul kame bin komio ikwae ka Aaron me ot ka Kokat. Gin bin en kiudo iner me agege me lobo kame komio Jolebi.

⁵⁵ Manono ribo Keburon i lobo me Yuda kede ebar mere me kwat koluke;

⁵⁶ do poti me bomba nono kede calere mege bin komio Kaleb wot ka Jepune.

⁵⁷ Bomban kame nying gi tie piny gi bin komio but ikwae ka Aaron pi bedo karingo ot gwokere iye ka dano moro oneko dano ocelu: Keburon, Libina kede ebar mere me kwat, Yatir, Esitemoa kede ebar mere me kwat,

⁵⁸ Kilen kede ebar mere me kwat, Debir kede ebar mere me kwat,

⁵⁹ Asan kede ebar mere me kwat, kede Bet Semes kede ebar mere me kwat.

⁶⁰ Ki lobo me jo me ekeko ka Benjamin bin komio gi bomban kede ebar gi me kwat kaman: Geba, Alemet, kede Anatot. Aso, ka koriribo, bomban dedede kame bin komio gi pi jo me miere gi dedede bedo iye, gin dedede oudo kitie tomon kiwie adek.

⁶¹ Bin oko uco alulu di oko mino jo ace me ot ka Kokat bomban tomon ki lobo me jo me ekeko ka Manase me bad tetu tim, di lubere paco kede paco.

⁶² Bin oko mino jo me ot ka Gereson, paco kede paco, bomban tomon kiwie adek i adulion me jo me ikekon ka Isakar, Aser, Naputali, kede Manase me Basan.

⁶³ Oko da mino jo me ot ka Merari, paco kede paco, bomban tomon kiwie are i adulion me jo me ikekon ka Ruben, Gad, kede Sebulun.

⁶⁴ Epone noni en kame jo me Isirael bin omio kede Jolebi bomban kede ebar me kwat koluko gi.

⁶⁵ Oudo kopoko negi da i yore me uco alulu bomban kame komaro nying gi go, atie i adulion me jo me ikekon ka Yuda, Simeon, kede Benjamin.

⁶⁶ Bin oko mino miere mogo me awobe ka Kokat bomban kede kakwat i adul me jo me ekeko ka Epuraimu.

⁶⁷ Bomban kame komio gi me ringo ot gwokere nogo ige: Sekem kede ebar mere me kwat i piny kobedo imukuran me Epuraimu, Geser kede ebar mere me kwat,

⁶⁸ Yokomeam kede ebar mere me kwat, Bet Koron kede ebar mere me kwat,

⁶⁹ Aijalon kede ebar mere me kwat, kede Gat Rimon kede ebar mere me kwat.

⁷⁰ Ki adul ka jo me ekeko ka Manase me bad tetu tim, bin oko mino gi bomban me Aner kede Bileam kede ebar me kwat koluko gi.

⁷¹ Bomban kame bin oko mino jo me ot ka Gereson kede ebar me kwat koluko gi gin ige: I dul ka jo me ekeko ka Manase me bad tetu kide, komio gi bomba me Golan atie Basan, kede Asitarot.

⁷² I adul ka jo me ekeko ka Isakar: Kedes, Daberat,

⁷³ Ramot, kede Anem.

⁷⁴ I adul ka jo me ekeko ka Aser: Masal, Abidon,

⁷⁵ Kukok, kede Rekob.

⁷⁶ I adul ka jo me ekeko ka Naputali: Kedes katie Galilaya, Kamon, kede Kiriataim.

⁷⁷ Bomban kame bin oko mino jo ace me ot ka Merari kodong mege, kede ebar me kwat koluko gi gin ige: I adul ka jo me ekeko ka Sebulun: Rimono kede Tabor.

⁷⁸ I adul ka jo me ekeko ka Ruben, i bad tetu kide me ecilet me Yorodan, di ikalamo Jeriko: Beser atie i wi lobo kopetere bala emesa, Yasa,

⁷⁹ Kedemot, kede Mepat.

⁸⁰ I adul ka jo me ekeko ka Gad: Ramot atie Gilead, Makanaim,

⁸¹ Kesibon, kede Yaser.