1 Iyutun 25 - Baibuli I Leb Kumam 2013

Jo Awero i Tempulo

¹ Daudi kede jotel me isirikalen bin oko yero ikwae ka Asap, ikwae ka Keman, kede me ka Yedutun pi bedo jo kame telo kop me wer. Gin oudo kipoore pako Rwot di kigoo arigirigin, adungun, kede suanin abatal. Nying jo kame bin oko yero i tic nono kede ipelun gi ige:

² Awobe ongwon ka Asap: Sakur, Yosepu, Netania, kede Asarela, papa gi en koudo telo gi i tic gi; gin oudo kituco kop ka Rubanga kede were tek kame abaka omio gi cik me timo kamanono.

³ Awobe kanyape ka Yedutun: Gedalia, Seri, Yesaya, Simei, Kasabia, kede Matitia oudo timo tic di papa gi en kame telo gi. Gin bin kitatamo kop ka Rubanga, di kigoo kede adungu were me mino pwoc kede me pak but Rwot.

⁴ Awobe ka Keman oudo tie tomon kiwie ongwon: Bukia, Matania, Usiel, Sebuel, Yerimot, Kanania, Kanani, Eliata, Gidaliti, Romamiti Eser, Yosibekasa, Maloti, Kotir, kede Makasiot.

⁵ Rubanga bin omio Keman, enabi ka abaka, awobe tomon kiwie ongwon nogi dedede kede anyira da adek, bala kame oudo ecikere kede, tetekeny emie dwongo.

⁶ Gin dedede papa gi en koudo telo gi di gin kigoo were i ot ka Rwot kede suanin abatal, adungun, kede arigirigin i esawa me woro Rubanga i tempulo. Asap, Yedutun, kede Keman bin timo tice gi di kilubo gikame abaka ciko negi.

⁷ Gin kede Jolebi joawade gi, jo kame oudo kopwonyo pi wer but Rwot, gin dedede oudo ipirana i wer. Gin dedede oudo kitie cuo tol are kede ot kanyauni kiwie kanyauni (288).

⁸ Gin oudo kiuco alulu pi popoko tic, abongo apokapoka moro.

⁹ Alulu me agege bin oko mako Yosepu dano me ekeko ka Asap; alulu me are oko mako Gedalia kede awobe mege kede imiegu mege, gin jo tomon kiwie are;

¹⁰ alulu me adek oko mako Sakur kede awobe mege kede imiegu mege, gin jo tomon kiwie are;

¹¹ alulu me ongwon oko mako Seri kede awobe mege kede imiegu mege, gin jo tomon kiwie are;

¹² alulu me kany oko mako Netania kede awobe mege kede imiegu mege, gin jo tomon kiwie are;

¹³ alulu me kanyape oko mako Bukia kede awobe mege kede imiegu mege, gin jo tomon kiwie are;

¹⁴ alulu me kanyaare oko mako Asarela kede awobe mege kede imiegu mege, gin jo tomon kiwie are;

¹⁵ alulu me kanyauni oko mako Yesaya kede awobe mege kede imiegu mege, gin jo tomon kiwie are;

¹⁶ alulu me kanyangon oko mako Matania kede awobe mege kede imiegu mege, gin jo tomon kiwie are;

¹⁷ alulu me tomon oko mako Simei kede awobe mege kede imiegu mege, gin jo tomon kiwie are;

¹⁸ alulu me tomon kiwie acel oko mako Asarel kede awobe mege kede imiegu mege, gin jo tomon kiwie are;

¹⁹ alulu me tomon kiwie are oko mako Kasabia kede awobe mege kede imiegu mege, gin jo tomon kiwie are;

²⁰ alulu me tomon kiwie adek oko mako Subael kede awobe mege kede imiegu mege, gin jo tomon kiwie are;

²¹ alulu me tomon kiwie ongwon oko mako Matitia kede awobe mege kede imiegu mege, gin jo tomon kiwie are;

²² alulu me tomon kiwie kany oko mako Yeremot kede awobe mege kede imiegu mege, gin jo tomon kiwie are;

²³ alulu me tomon kiwie kanyape oko mako Kanania kede awobe mege kede imiegu mege, gin jo tomon kiwie are;

²⁴ alulu me tomon kiwie kanyaare oko mako Yosibekasa kede awobe mege kede imiegu mege, gin jo tomon kiwie are;

²⁵ alulu me tomon kiwie kanyauni oko mako Kanani kede awobe mege kede imiegu mege, gin jo tomon kiwie are;

²⁶ alulu me tomon kiwie kanyangon oko mako Maloti kede awobe mege kede imiegu mege, gin jo tomon kiwie are;

²⁷ alulu me ot are oko mako Eliata kede awobe mege kede imiegu mege, gin jo tomon kiwie are;

²⁸ alulu me ot are kiwie acel oko mako Kotir kede awobe mege kede imiegu mege, gin jo tomon kiwie are;

²⁹ Alulu me ot are kiwie are oko mako Gidaliti kede awobe mege kede imiegu mege, gin jo tomon kiwie are;

³⁰ alulu me ot are kiwie adek oko mako Makasiot kede awobe mege kede imiegu mege, gin jo tomon kiwie are;

³¹ di me ot are kiwie ongwon mere oko mako Romamiti Eser kede awobe mege kede imiegu mege, gin jo tomon kiwie are.