Sálmarnir 1 - Biblían (2007)

Fyrsta bók

¹ Sæll er sá sem eigi fer að ráðum óguðlegra, eigi gengur götur syndara og eigi situr meðal háðgjarnra

² heldur hefur yndi af leiðsögn Drottins og hugleiðir lögmál hans dag og nótt.

³ Hann er sem tré gróðursett hjá lindum, það ber ávöxt sinn á réttum tíma og blöð þess visna ekki. Allt, sem hann gerir, lánast honum.

⁴ Óguðlegum farnast á annan veg, þeir hrekjast sem hismi í stormi.

⁵ Því hvorki standast óguðlegir fyrir dómi né syndarar í söfnuði réttlátra.

⁶ Drottinn vakir yfir vegi réttlátra en vegur óguðlegra endar í vegleysu.