Psalmyn 8 - Yn Vible Casherick 1775 1819

PSAL. VIII

¹ O Hiarn nyn Giannoort, cre cha ooasle ta dt’Ennym trooid ooilley’n theihll: uss ta er hoiaghey dty ghloyr erskyn ny niaughyn!

² Magh ass eer beïll oikanyn as cloan er y cheeagh t’ou er n’oardaghey niart, kyndagh rish dty noidyn: dy voddagh oo yn noid, as yn eulyssagh y chastey.

³ Son goym tastey jeh dty niaughyn, eer obbraghyn dty veïr: yn eayst as ny rollageyn t’ou er n’oardaghey.

⁴ Cre ta dooinney, dy vel oo aggindagh er: as mac y dooinney dy vel oo jeeaghyn er?

⁵ Ren oo eh ny s’inshley na ny ainleyn: dy choamrey eh lesh gloyr as ooashley.

⁶ T’ou coyrt dasyn yn reill harrish obbraghyn dty laueyn: as er choyrt dy chooilley nhee ayns biallys fo e chassyn;

⁷ Dy chooilley cheyrrey as dow: as myrgeddin beïyn y vagher;

⁸ Eeanlee yn aer, as eeastyn ny marrey: as cre-erbee ta snaue trooid raaidyn ny faarkaghyn.

⁹ O Hiarn nyn Giannoort: cre cha ooasle ta dt’Ennym ayns ooilley yn seihll!