Nehemiah 7 - Yn Vible Casherick 1775 1819

CAB. VII

¹ Nish haink eh gy-kione, erreish da’n voalley ve troggit, as dy row mee er hoiaghey seose ny dorryssyn, as er phointeil porteryn, as fir-chiaullee, as Leviteyn,

² Dy dug mee da my vraar Hanani, as Hananiah kiannoort y phlaase, yn currym harrish Jerusalem: (son v’eh ny ghooinney ynrick, as ayns aggle Yee erskyn ymmodee).

³ As dooyrt mee roo, Ny lhig da giattyn Yerusalem ve foshlit derrey hroggys y ghrian; as ayns yn enish ocsyn, lhig da ny dorryssyn ve dooint, as boltit, as lhig daue soiaghey arreyderyn jeh cummaltee Yerusalem, dagh dooinney ayns e watch hene, as dagh dooinney roish e chummal hene.

⁴ Nish va’n ard-valley lhean as mooar, agh cha row’n pobble agh beggan ayns earroo, as cha row ny thieyn foast slane troggit.

⁵ As hug my Yee eh ayns my chree, dy haglym cooidjagh ny ard-gheiney, as ny fir-reill, as y pobble, dy ghoaill yn earroo oc, rere nyn gynneeyn: as hooar mee lioar ny kynneeyn ocsyn, haink seose ec y toshiaght, as hooar mee scruit ayn,

⁶ Shoh cloan y rheam haink reesht veih’n chappeeys, jeusyn va goit ersooyl, va Nebuchadnezzar ree Vabylon er choyrt lesh ersooyl, as haink reesht gys Jerusalem as Judah, dagh unnane gys e ard-valley hene;

⁷ Haink marish Zerubbabel: Jeshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, Baanah; shoh va earroo ny deiney jeh pobble Israel;

⁸ Cloan Pharosh, daa housane hoght-feed as ghaa-yeig.

⁹ Cloan Shephatiah, hoght-feed as ghaa-yeig.

¹⁰ Cloan Arah, shey cheead ghaa-yeig as da-eed.

¹¹ Cloan Pahath-moab, jeh cloan Yeshua, as Yoab, daa housane hoght cheead as hoght-jeig.

¹² Cloan Elam, thousane daa cheead kiare-jeig as da-eed.

¹³ Cloan Zattu, hoght cheead queig as da-eed.

¹⁴ Cloan Zaccai, shiaght cheead as three-feed.

¹⁵ Cloan Binnui, shey cheead hoght as da-eed.

¹⁶ Cloan Bebai shey cheead as hoght as feed.

¹⁷ Cloan Azgad, daa housane three cheead as jees as feed.

¹⁸ Cloan Adonikam, shey cheead three-feed as shiaght.

¹⁹ Cloan Bigvai, daa housane three-feed as shiaght.

²⁰ Cloan Adin, shey cheead queig-jeig as da-eed.

²¹ Cloan Ater jeh Hezekiah, kiare-feed as hoght-jeig.

²² Cloan Hashum, three cheead as hoght as feed.

²³ Cloan Bezai, three cheead as kiare as feed.

²⁴ Cloan Hariph, keead as ghaa-yeig.

²⁵ Cloan Ghibeon, kiare-feed as queig-jeig.

²⁶ Deiney Veth-lehem as Netophah, keead kiare-feed as hoght.

²⁷ Deiney Anathoth, shey-feed as hoght.

²⁸ Deiney Veth-azmaveth, jees as da-eed.

²⁹ Deiney Kirjath-jearim, Chephirah, as Beeroth, shiaght cheead as three as da-eed.

³⁰ Deiney Ramah, as Gaba, shey cheead as unnane as feed.

³¹ Deiney Michmas, shey-feed as jees.

³² Deiney Veth-el, as Ai, shey-feed as three.

³³ Deiney Nebo elley, ghaa-yeig as da-eed.

³⁴ Cloan Elam elley, thousane daa cheead as kiare-jeig as da-eed.

³⁵ Cloan Harim, three cheead as feed.

³⁶ Cloan Yericho, three cheead as queig as da-eed.

³⁷ Cloan Lod, Hadid as Ono, shiaght cheead as unnane as feed.

³⁸ Cloan Senaah, three thousaneyn nuy cheead as jeih as feed.

³⁹ Ny saggyrtyn: cloan Yedaiah jeh thie Yeshua, nuy cheead three-feed as three-jeig.

⁴⁰ Cloan Immer, thousane as ghaa-yeig as da-eed.

⁴¹ Cloan Pashur, thousane daa cheead as shiaght as da-eed.

⁴² Cloan Harim, thousane as shiaght-jeig.

⁴³ Ny Leviteyn: cloan Yeshua, jeh Kadmiel, as jeh cloan Hodevah, three-feed as kiare-jeig.

⁴⁴ Ny fir-chiaullee: cloan Asaph, keead as hoght as da-eed.

⁴⁵ Ny porteryn: cloan Shallum, cloan Ater, cloan Talmon, cloan Akkub, cloan Hatita, cloan Shobai, keead as hoght-jeig as feed.

⁴⁶ Ny Nethinimee: cloan Ziba, cloan Hashupha, cloan Tabbaoth,

⁴⁷ Cloan Keros, cloan Sia, cloan Padon,

⁴⁸ Cloan Lebana, cloan Hagaba, cloan Shalmai,

⁴⁹ Cloan Hanan, cloan Giddel, cloan Gahar,

⁵⁰ Cloan Reaiah, cloan Rezin, cloan Nekoda,

⁵¹ Cloan Gazzam, cloan Uzza, cloan Phaseah,

⁵² Cloan Besai, cloan Meunim, cloan Nephishesim,

⁵³ Cloan Bakbuk, cloan Hakupha, cloan Harhur,

⁵⁴ Cloan Bazlith, cloan Mehida, cloan Harsha,

⁵⁵ Cloan Barkos, cloan Sisera, cloan Tamah,

⁵⁶ Cloan Neziah, cloan Hatipha.

⁵⁷ Cloan fir-oik Solomon: cloan Sotai, cloan Sophereth, cloan Perida,

⁵⁸ Cloan Yaala, cloan Darkon, cloan Giddel,

⁵⁹ Cloan Shephatiah, cloan Hattil, cloan Pochereth jeh Zebaim, cloan Amon.

⁶⁰ Va ooilley ny Nethinimee, as cloan fir-oik Solomon, three cheead as kiare-feed as ghaa-yeig.

⁶¹ Shoh v’adsyn hie seose myrgeddin veih Tel-melah, Tel-haresha, Cherub, Addon, as Immer, agh cha voddagh ad prowal gys thie nyn ayrey, ny gys nyn gynney, dy row ad jeh Israel.

⁶² Cloan Delaiah, cloan Tobiah, cloan Nekoda, shey cheead as jees as da-eed.

⁶³ As jeh ny saggyrtyn: cloan Habaiah, cloan Koz, cloan Barzillai, phoose unnane jeh inneenyn Barzillai yn Gileadite, as ghow eh yn ennym oc.

⁶⁴ Ronsee ad shoh son lioar ny kynneeyn oc, ny mast’ ocsyn v’er choyrt stiagh nyn enmyn, agh cha row eh ry-gheddyn: er-y-fa shen v’ad er ny scughey veih’n taggyrtys, myr neu-chooie.

⁶⁵ As dooyrt y Tirshatha roo, nagh row eh lowit dauesyn dy ghoaill ayrn ayns ny nheeghyn smoo casherick, derrey hroggagh seose saggyrt lesh Urim as Thummim.

⁶⁶ Va earroo yn slane sheshaght cooidjagh daa housane as da-eed three cheead as three-feed.

⁶⁷ Cheu-mooie jeh ny fir-vooinjerey, as ny sharvaantyn oc, jeu shoh va shiaght thousaneyn, three cheead as shiaght-jeig as feed: as va oc dy gheiney as dy vraane-kiaullee, daa cheead as queig as da-eed.

⁶⁸ Ny cabbil oc shiaght cheead as shey-jeig as feed: ny muleyn daa cheead as queig as da-eed:

⁶⁹ Ny camelyn oc, kiare cheead as queig-jeig as feed: assylyn, shey thousaneyn as shiaght cheead as feed.

⁷⁰ As ren paart jeh ard-gheiney ny kynneeyn stowal cour yn obbyr: hug y Tirshatha gys y stoyr, thousane peesh dy airh, jeih claareeyn as da-eed, queig cheead as jeih as feed dy choamraghyn-saggyrt.

⁷¹ As hug paart jeh ny ard-ayraghyn, gys stoyr yn obbyr, feed thousane peesh dy airh, as daa housane as daa cheead punt dy argid.

⁷² As hug y chooid elley jeh’n pobble, feed thousane peesh dy airh, as daa housane punt dy argid, as three-feed as shiaght coamraghyn-saggyrt.

⁷³ Myr shen, ren ny saggyrtyn as ny Leviteyn, ny porteryn as ny kiaulleyderyn, as mooarane jeh’n pobble, as ny Nethinimee, as ooilley Israel, cummal ayns ny ard-valjyn oc: as ayns y chiaghtoo vee, va cloan Israel cummal ayns nyn ard-valjyn.