1 Recortyssyn 7 - Yn Vible Casherick 1775 1819

CAB. VII

¹ Nish mec Issachar, va; Tola, as Puah, Job, as Shimron, kiare.

² As mec Tola; Uzzi, as Rephaiah, as Jeriel, as Jahmai, Jibsam, as Shemuel, king thie nyn ayraghyn, ta shen, jeh Tola: v’ad shoh deiney dunnal caggee, ayns nyn sheelogheyn: va’n earroo oc, ayns laghyn Ghavid, daa housane as feed as shey cheead.

³ As mac Uzzi; Izrahiah: as mec Izrahiah; Michael, as Obadiah, as Joel, Ishiah, queig: ooilley ard-gheiney.

⁴ As mâroosyn, rere nyn gynneeyn, as lught-thie nyn ayraghyn, va sheshaghtyn dy hidooryn, deiney niartal caggee, shey thousane jeig as feed: son va oc mooarane mraane as mec.

⁵ As va nyn mraaraghyn mastey kynneeyn Issachar, deiney caggee dunnal, ayns earroo kiare-feed as shiaght thousaneyn.

⁶ Mec Venjamin; Bela, as Becher, as Jediael, troor.

⁷ Mec Bela; Ezbon, as Uzzi, as Uzziel, as Jerimoth, as Iri, queig; king thie nyn ayraghyn, deiney niartal creeoil, as v’ad ayns earroo, lurg nyn sheelogheyn, daa housane as feed as kiare-jeig as feed.

⁸ As mec Becher; Zemira, as Joash, as Eliezer, as Elioenai, as Omri, as, Jerimoth, as Abiah, as Anathoth, as Alameth. Ad shoh ooilley mec Becher.

⁹ As yn earroo oc rere nyn gynneeyn, king thie nyn ayraghyn, deiney caggee niartal, va feed thousane as daa cheead.

¹⁰ Mac Jediael myrgeddin, Bilhan: as mec Bilhan, Jeush, as Benjamin, as Ehud, as Chenaanah, as Zethan, as Tharshish, as Ahishahar.

¹¹ Ad shoh ooilley mec Jediael, ard-gheiney ny kynneeyn oc, deiney trean as dunnal, va shiaght thousane jeig as daa cheead, fondagh son caggey as magher.

¹² Shuppim neesht, as Huppim, cloan Ir, as Hushim, mec Aher.

¹³ Mec Naphtali; Jahziel, as Guni, as Jezer, as Shallum, mec Bilhah.

¹⁴ Mec Vanasseh, Ashriel: (agh ren e cho-lhiabbagh yn Aramitess gymmyrkey Machir ayr Ghilead:

¹⁵ As ghow Machir son ben shuyr Huppim as Shuppim, ennym nyn shuyr va Maachah) as ennym y nah er va Zelophehad: as va inneenyn ec Zelophehad.

¹⁶ As dymmyrk Maachah, ben Machir, mac, as denmys ee eh Peresh; as ennym e vraar va Sheresh; as ny mec echey va, Ulam as Rakem.

¹⁷ As mac Ulam, Bedan. Ad shoh va mec Ghilead, mac Machir, mac Vanasseh.

¹⁸ As ren e huyr Hammoleketh gymmyrkey Ishod, as Abiezer, as Mahalah.

¹⁹ As mec Shemida va, Ahian, as Shechem, as Likhi, as Aniam.

²⁰ Mec Ephraim, Shuthelah, as Bered e vac, as Tahath e vac, as Eladah e vac, as Tahath e vac.

²¹ As Zabad e vac, as Shuthelah e vac, as Ezer, as Elead, ren deiney Ghath va ruggit ’sy cheer shen y varroo, er-yn-oyr dy daink ad neose dy ghoaill ersooyl yn ollagh oc.

²² As ren Ephraim nyn ayr dobberan mooarane laghyn, as haink e vraaraghyn dy gherjaghey eh.

²³ As tra v’eh marish e ven, ren ee giennaghtyn as gymmyrkey mac, as denmys eh eh Beriah, son yn olk v’er daghyrt da e hie.

²⁴ (As va inneen echey enmyssit Sherah, hrog Beth-horon heese as heose, as Uzzen-sherah).

²⁵ As va Rephah e vac, Resheph myrgeddin, as Telah, e vac-syn, as Tahan e vac-syn,

²⁶ Laadan e vac-syn, Ammihud e vac-syn, as Elishama e vac-syn,

²⁷ Non e vac-syn, Jehoshua e vac-syn.

²⁸ Nyn eiraght as nyn gummallyn va, Beth-el, as e baljyn: as lesh y shiar, Naaran: as lesh y sheear, Gezer, marish e baljyn; Shechem myrgeddin, as e baljyn, derrey Gaza, as e baljyn:

²⁹ As rish ardjyn cloan Vanasseh; Beth-shean, as e baljyn; Taanach, as e baljyn; Megiddo, as e baljyn; Dor, as e baljyn. Ayndoo shoh ren cloan Yoseph, mac Israel cummal.

³⁰ Mec Asher, Imnah, as Isuah, as Ishuai, as Beriah, as Serah nyn shuyr.

³¹ As mec Beriah, Heber as Malchiel, ta ayr Birzavith.

³² As hooar Heber Japhlet, as Shomer, as Hotham, as Shuah yn shuyr oc.

³³ As mec Japhlet, Pasach as Bimhal, as Ashvath: ad shoh ta cloan Japhlet.

³⁴ As mec Shamer, Ahi, as Rohgah, Jehubbah, as Aram.

³⁵ As mec e vraar Helem, Zophah, as Imnah, as Shelesh, as Amal.

³⁶ Mec Zophah, Suah, as Harnepher, as Shual, as Beri, as Imrah,

³⁷ Bezer, as Hod, as Shamma, as Shilshah, as Ithran, as Beera.

³⁸ As mec Jether; Jephunneh, as Pispah, as Ara.

³⁹ As mec Ulla, Arah, as Haniel, as Rezia.

⁴⁰ Ad shoh ooilley va cloan Asher, king thie nyn ayraghyn, reih deiney, niartal as dunnal, ard leeideilee mastey ny princeyn. As yn earroo, trooid ny kynneeyn ocsyn va aghtal ayns caggey, va shey thousaneyn as feed.