1 Recortyssyn 6 - Yn Vible Casherick 1775 1819

CAB. VI

¹ Mec Levi; Gershom, Kohath, as Merari.

² As mec Kohath: Amram, Izhar, as Hebron, as Uzziel.

³ As cloan Amram; Aaron, as Moses, as Miriam. Mec Aaron myrgeddin; Nadab, as Abihu, Eleazar, as Ithamar.

⁴ Hooar Eleazar Phinehas, hooar Phinehas Abishua.

⁵ As hooar Abishua Bukki, as hooar Bukki Uzzi.

⁶ As hooar Uzzi Zerahiah, as hooar Zerahiah Meraioth,

⁷ As hooar Meraioth Amariah, as hooar Amariah Ahitub,

⁸ As hooar Ahitub Zadok, as hooar Zadok Ahimaaz,

⁹ As hooar Ahimaaz Azariah, as hooar Azariah Johanan,

¹⁰ As hooar Johanan Azariah, (eshyn ren cha dunnal fendeil oik y taggyrt, ayns y chiamble, hrog Solomon ayns Jerusalem).

¹¹ As hooar Azariah Amariah, as hooar Amariah Ahitub,

¹² As hooar Ahitub Zadok, as hooar Zadok Shallum,

¹³ As hooar Shallum Hilkiah, as hooar Hilkiah Azariah,

¹⁴ As hooar Azariah Seraiah, as hooar Seraiah Jehozadak;

¹⁵ As va Jehozadak er ny choyrt lesh ersooyl ayns y chappeeys, tra hug y Chiarn ersooyl Judah as Jerusalem liorish laue Nebuchadnezzar.

¹⁶ Mec Levi, Gershom, Kohath, as Merari.

¹⁷ As shoh enmyn mec Ghershom, Libni, as Shimei.

¹⁸ As mec Kohath va, Amram, as Izhar as Hebron, as Uzzi.

¹⁹ Mec Merari, Mahli, as Mushi. Ad shoh ta kynney ny Leviteyn, rere nyn ayraghyn.

²⁰ Veih Gershom, Libni e vac, Jahath e vac, Zimmah e vac,

²¹ Joah e vac, Iddo e vac, Zerah e vac, Jeaterai e vac.

²² Mec Kohath, Amminadab e vac, Korah e vac, Assir e vac,

²³ Elkanah e vac, as Ebiasaph e vac, as Assir e vac,

²⁴ Tahath e vac, Uriel e vac, Uzziah e vac, as Shaul e vac.

²⁵ As mec Elkanah, Amasai, as Ahimoth.

²⁶ As Elkanah: mec Elkanah, Zophai e vac, as Nahath e vac,

²⁷ Eliab e vac, Jeroham e vac, Samuel e vac.

²⁸ As mec Samuel, yn chied er Joel, as Abiah yn nah er.

²⁹ Mec Merari, Mahli Libni e vac, Shimei e vac, Uzza e vac,

³⁰ Shimea e vac, Haggiah e vac, Asaiah e vac.

³¹ As shoh adsyn ren David y hoiaghey harrish shirveish y chiaulleeaght chasherick, ayns thie’n Chiarn, lurg da’n arg ve soit ayn.

³² As ren ad shirveish ayns cabbane-agglish y Chiarn, lesh arraneyn-moyllee, derrey va Solomon er hroggal thie’n Chiarn ayns Jerusalem: as eisht ren ad cooilleeney’n chirveish rere nyn goorse.

³³ As shoh adsyn hass gys y chirveish marish nyn gloan: jeh mec ny Kohathiteyn, Heman yn arraneyder, mac Joel, mac Shemuel,

³⁴ Mac Elkanah, mac Jeroham, mac Eliel, mac Toah,

³⁵ Mac Zuph, mac Elkanah, mac Mahath, mac Amasai,

³⁶ Mac Elkanah, mac Joel, mac Azariah, mac Zephaniah,

³⁷ Mac Tahath, mac Assir, mac Ebiasaph, mac Korah,

³⁸ Mac Izhar, mac Kohath, mac Levi, mac Israel,

³⁹ As e vraar Asaph, (hass er e laue yesh) eer Asaph, mac Berachiah, mac Shimea,

⁴⁰ Mac Michael, mac Baaseiah, mac Malchiah,

⁴¹ Mac Ethni, mac Zerah, mac Adaiah,

⁴² Mac Ethan, mac Zimmah, mac Shimei,

⁴³ Mac Jahath, mac Ghershom, mac Levi.

⁴⁴ As ny braaraghyn oc, mec Merari, hass er y laue chiare: Ethan mac Kishi, mac Abdi, mac Malluch,

⁴⁵ Mac Hashabiah, mac Amaziah, mac Hilkiah,

⁴⁶ Mac Amzi, mac Bani, mac Shamer,

⁴⁷ Mac Mahli, mac Mushi, mac Merari, mac Levi.

⁴⁸ Va nyn mraaraghyn myrgeddin ny Leviteyn er nyn oardaghey gys dy chooilley vonney dy hirveish mysh y chabbane-agglish ayns thie Yee.

⁴⁹ Agh ren Aaron as e vec chebbal er altar yn oural-losht, as er altar yn incense, as dy yannoo slane shirveish yn ynnyd smoo casherick, as dy yannoo lhiasaghey son Israel, cordail rish ooilley, ny va Moses sharvaant Yee er harey.

⁵⁰ Ad shoh mec Aaron, Eleazar e vac, Phinehas e vac-syn, Abishua e vac-syn,

⁵¹ Bukki e vac-syn, Uzzi e vac-syn, Zerahiah e vac-syn,

⁵² Meraioth e vac-syn, Amariah e vac-syn, Ahitub e vac-syn,

⁵³ Zadok e vac-syn, Ahimaaz e vac-syn.

⁵⁴ Nish ad shoh va cummallyn mec Aaron, jeh kynney ny Kohathiteyn, lesh ny cashtallyn v’ayns ny ardjyn oc; son lhieusyn va’n chooid-ronney.

⁵⁵ As chur ad daue Hebron, ayns cheer Yudah: as ny cummallyn mygeayrt-y-mysh.

⁵⁶ Agh magheryn yn ard-valley, as ny baljyn-beggey, chur ad da Caleb mac Jephunneh.

⁵⁷ As da mec Aaron, chur ad son ard-valley dy hauchys, Hebron, lesh e gleebyn; as Libnah, as Jattir, as Eshtemoa, lesh ny magheryn mygeayrt-y-moo;

⁵⁸ As Hilen lesh e gleebyn: Debir lesh e gleebyn;

⁵⁹ As Ashan lesh e gleebyn; as Beth-shemesh lesh e gleebyn;

⁶⁰ As jeh tribe Venjamin; Geba, marish e gleebyn; as Alemeth, as e gleebyn; as Anathoth as e gleebyn. Ooilley ny ard-valjyn mastey nyn gynneeyn va three ard-valley jeig.

⁶¹ As da mec Kohath, va faagit jeh sluight y tribe shen, va ard-valjyn er nyn goyrt ass y lieh-tribe, ta shen, ass lieh-tribe Vanasseh, liorish nyn gronney, jeih ard-valjyn.

⁶² As da mec Ghershom trooid nyn gynneeyn, v’er ny choyrt ass tribe Issachar, as veih tribe Asher, as veih tribe Naphtali, as veih tribe Vanasseh ayns Bashan, three ard-valjyn jeig.

⁶³ Da mec Merari v’er ny choyrt liorish cronney, trooid ny kynneeyn oc, ass tribe Reuben, as jeh tribe Ghad, as tribe Zebulun, daa ard-valley jeig.

⁶⁴ As hug cloan Israel da ny Leviteyn ny ard-valjyn shoh, marish nyn gleebyn.

⁶⁵ As chur ad liorish cronney ass tribe cloan Yudah, as veih tribe cloan Simeon, as tribe cloan Venjamin, ny ard-valjyn shen va roïe enmyssit.

⁶⁶ As v’ec y chooid elley jeh kynneeyn mec Kohath ard-valjyn ayns nyn ardjyn ass tribe Ephraim.

⁶⁷ As chur ad daue son ard-valjyn dy hauchys Shechem ayns cronk Ephraim, marish e gleebyn;

⁶⁸ As Jokmeam, marish e gleebyn; as Beth-horon, marish e gleebyn;

⁶⁹ As Aijalon, marish e gleebyn; as Gath-rimmon, marish e gleebyn;

⁷⁰ As veih lieh-tribe Vanasseh; Aner, marish e gleebyn; as Bileam, marish e gleebyn; son y kynney v’er-mayrn jeh mec Kohath.

⁷¹ Da mec Ghershom v’er ny choyrt ass lieh-tribe Vanasseh, Golan ayns Bashan marish e gleebyn; as Ashtaroth marish e gleebyn.

⁷² As veih tribe Issachar; Kedesh, marish e gleebyn; Daberath, marish e gleebyn;

⁷³ As Ramoth, marish e gleebyn; as Anem, marish e gleebyn.

⁷⁴ As veih tribe Asher, Mashal, marish e gleebyn; as Abdon, marish e gleebyn;

⁷⁵ As Hukok, marish e gleebyn; as Rehob, marish e gleebyn.

⁷⁶ As veih tribe Naphtali, Kedesh ayns Galilee, marish e gleebyn; as Hammon, marish e gleebyn; as Kirjathaim, marish e gleebyn.

⁷⁷ Da’n chooid elley jeh cloan Merari v’er ny choyrt ass tribe Zebulun, Rimmon, marish e gleebyn: Tabor, marish e gleebyn.

⁷⁸ As er y cheu elley dy Yordan liorish Jericho, er y cheu har dy Yordan, va oc ass tribe Reuben, Bezer ayns yn aasagh, marish e gleebyn; as Jahzah, marish e gleebyn:

⁷⁹ Kedemoth myrgeddin, marish e gleebyn, as Mephaath, marish e gleebyn.

⁸⁰ As jeh tribe Ghad, Ramoth ayns Gilead, marish e gleebyn; as Mahanaim, marish e gleebyn:

⁸¹ As Heshbon, marish e gleebyn; as Jazer, marish e gleebyn.