1 Recortyssyn 24 - Yn Vible Casherick 1775 1819

CAB. XXIV

¹ Nish shoh myr ta mec Aaron er nyn rheynn. Mec Aaron, Nadab, Abihu, Eleazar, as Ithamar.

² Agh hooar Nadab as Abihu baase roish nyn ayr, as cha row cloan oc: shen-y-fa ren Eleazar as Ithamar cooilleeney oik yn ard-saggyrt.

³ As ren David ad y rheynn, chammah Zadok jeh mec Eleazar, as Ahimelech jeh mec Ithamar, cordail rish nyn oik ayns y chirveish oc.

⁴ As va ny shlee dy ard-gheiney ry-gheddyn jeh mec Eleazar na jeh mec Ithamar; as myr shoh v’ad er nyn rheynn. Mastey mec Eleazar va shey-jeig dy ard-gheiney jeh thie nyn ayraghyn, as hoght mastey mec Ithamar, cordail rish thie nyn ayraghyn.

⁵ Myr shoh v’ad chammah’n derrey yeh as y jeh elley er nyn rheynn liorish nyn gronney; son va kiannoortyn y chiamble casherick, as kiannoortyn thie Yee, jeh mec Eleazar, as jeh mec Ithamar.

⁶ As she Shemaiah mac Nethaneel yn scrudeyr, fer jeh ny Leviteyn, ghow sheese nyn enmyn kiongoyrt rish y ree, as ny princeyn, as Zadok yn ard-saggyrt, as Ahimelech mac Abiathar, as kiongoyrt rish ny ard-gheiney ayraghyn ny saggyrtyn as ny Leviteyn: un ard lught-thie goit son Eleazar, as ard lught-thie elley son Ithamar.

⁷ Nish haink y chied lot magh er Jehoiarib, yn nah lot er Jedaiah,

⁸ Yn trass er Harim, yn chiarroo er Seorim,

⁹ Yn wheiggoo er Malchijah, yn cheyoo er Mijamin,

¹⁰ Yn chiaghtoo er Hakkoz, yn hoghtoo er Abijah,

¹¹ Yn nuyoo er Jeshua, yn jeihoo er Shecaniah,

¹² Yn un lot yeig er Eliashib, yn nah lot yeig er Jakim,

¹³ Yn trass yeig er Huppah, yn chiarroo yeig er Jeshebeab,

¹⁴ Yn wheiggoo-yeig er Bilgah; yn cheyoo yeig er Immer,

¹⁵ Yn chiaghtoo yeig er Hezir, yn hoghtoo yeig er Aphses,

¹⁶ Yn nuyoo yeig er Pethahiah, yn eedoo da Jehezekel,

¹⁷ Yn chied lot as feed er Jachin, yn nah lot as feed er Gamul,

¹⁸ Yn trass lot as feed er Delaiah, yn chiarroo lot as feed er Maaziah.

¹⁹ Shoh myr va’n chirveish er ny oardrail dy heet stiagh gys thie’n Chiarn, cordail rish nyn goorse, fo Aaron nyn shenn-ayr, myr va’n Chiarn Jee Israel er harey da.

²⁰ As y chooid elley jeh mec Levi v’ad shoh: jeh mec Amram, Shubael: jeh mec Shubael, Jehdeiah.

²¹ Mychione Rehabiah: jeh mec Rehabiah, yn chied er va Ishiah.

²² Jeh ny Izhariteyn, Shelomoth: jeh mec Shelomoth, Jahath.

²³ As mec Hebron, Jeriah yn chied er, Amariah yn nah er, Jahaziel yn trass er, Jekameam yn chiarroo.

²⁴ Jeh mec Uzziel, Michah: jeh mec Michah, Shamir.

²⁵ Braar Michah va Ishiah: jeh mec Ishiah, Zechariah.

²⁶ Mec Merari va Mahli as Mushi: mec Jaaziah, Beno.

²⁷ Mec Merari rish Jaaziah, Beno, as Shoham, as Zaccur, as Ibri.

²⁸ Jeh Mahli haink Eleazar, echey cha row mec.

²⁹ Mychione Kish: mac Kish va Jerahmeel.

³⁰ Mec Mushi myrgeddin, Mahli as Eder, as Jerimoth. Ad shoh va mec ny Leviteyn, rere thie nyn ayraghyn.

³¹ Hayrn ad shoh lottyn myrgeddin myr ren nyn mraaraghyn mec Aaron, fenish Ghavid y ree, as Zadok, as Ahimelech, as ard-gheiney ayraghyn ny saggyrtyn as ny Leviteyn, eer ny ard-ayraghyn myr ren nyn mraaraghyn saa.