1 Recortyssyn 2 - Yn Vible Casherick 1775 1819

CAB. II

¹ Ad shoh mec Israel; Reuben, Simeon, Levi, as Judah, Issachar, as Zebulun,

² Dan, Joseph, as Benjamin, Naphtali, Gad, as Asher.

³ Mec Yudah; Er, as Onan, as Shelah: v’ad shoh nyn droor ruggit da jeh inneen Shuah yn Canaanite. As Er, mac shinney Yudah, ren olk ayns shilley’n Chiarn, as varr eh eh.

⁴ As Tamar e inneen-’sy-leigh, dymmyrk ee da Pharez, as Zerah. Ooilley mec Yudah v’ad queig.

⁵ Mec Pharez: Hezron as Hamul.

⁶ As mec Zerah; Zimri, as Ethan, as Heman, as Calcol, as Dara; queig ayns ooilley.

⁷ As mec Carmi; Achan, eh hayrn seaghyn er Israel, va foiljagh ayns y chooid chustey.

⁸ As mac Ethan; Azariah.

⁹ Mec Hezron myrgeddin, va ruggit da; Jerahmeel, Ram, as Chelubai.

¹⁰ As hooar Ram Amminadab, as hooar Amminadab Nahshon, prince cloan Yudah;

¹¹ As hooar Nahshon Salma, as hooar Salma Boaz,

¹² As hooar Boaz Obed, as hooar Obed Jesse,

¹³ As hooar Jesse e vac shinney Eliab, as Abinadab y nah er, as Shimma yn trass,

¹⁴ Nethaneel yn chiarroo, Raddai yn wheiggoo,

¹⁵ Ozem yn cheyoo, Elihu yn chiaghtoo, David yn hoghtoo:

¹⁶ Ny shayraghyn oc va Zeruiah as Abigail. As mec Zeruiah; Abishai, as Joab, as Asahel, three.

¹⁷ As dymmyrk Abigail Amasa; as ayr Amasa va Jether yn Ishmaelite.

¹⁸ As hooar Caleb mac Hezron cloan rish Azubah e ven, as rish Jerioth: ad shoh ny mec eck; Jesher, as Shobab, as Ardon.

¹⁹ As tra va Azubah marroo, ghow Caleb huggey Ephrath, ren gymmyrkey da Hur.

²⁰ As hooar Hur Uri, as hooar Uri Bezaleel.

²¹ As ny lurg shen, ghow Hezron inneen Machir, ayr Ghilead dy ve e ven, tra v’eh three-feed bleïn dy eash, as dymmyrk ee da Segub.

²² As hooar Segub Jair, v’echey three ard-valjyn as feed ayns cheer Ghilead.

²³ As ghow eh Geshur, as Aram marish baljyn Jair; as Kenath as e baljyn, eer three-feed ard-valley: v’ad shoh ooilley lesh mec Machir ayr Ghilead.

²⁴ As lurg baase Hezron ayns Caleb-ephratah, eisht dymmyrk Abiah ben Hezron Ashur va ayr Tekoa.

²⁵ As mec Jerahmeel, mac shinney Hezron, v’ad, Ram yn chied er, as Bunah, as Oren, as Ozem, as Ahijah.

²⁶ V’ec Jerahmeel myrgeddin ben elley, va’n ennym eck Atarah; ee va moir Onam.

²⁷ As mec Ram, mac shinney Jerahmeel, v’ad Maaz, as Jamin, as Eker.

²⁸ As mec Onam v’ad Shammai, as Jada. As mec Shammai; Nadab, as Abishur.

²⁹ As va ennym ben Abishur, Abihail; as dymmyrk ee da, Ahban, as Molid.

³⁰ As mec Nadab; Seled, as Appaim: agh hooar Seled baase gyn cloan.

³¹ As mac Appaim, Ishi. As mac Ishi; Sheshan: as hooar Sheshan Ahlai.

³² As mec Jada, braar Shammai: Jether as Jonathan, as hooar Jether baase gyn cloan.

³³ As mec Jonathan, Peleth as Zaza. V’ad shoh mec Jerahmeel.

³⁴ Nish cha row mec ec Sheshan, agh inneenyn, as va fer-mooinjerey ec Sheshan, ny Egyptian, va’n ennym echey Jarha.

³⁵ As chur Sheshan e inneen da Jarha e harvaant, son ben da, as dymmyrk ee da, Attai.

³⁶ As hooar Attai Nathan, as hooar Nathan Zabad,

³⁷ As hooar Zabad Ephlal, as hooar Ephlal Obed,

³⁸ As hooar Obed Jehu, as hooar Jehu Azariah,

³⁹ As hooar Azariah Helez, as hooar Helez Eleasah,

⁴⁰ As hooar Eleasah Sisamai, as hooar Sisamai Shallum,

⁴¹ As hooar Shallum Jekamiah, as hooar Jekamiah Elishama.

⁴² Nish, mec Chaleb, braar Jerahmeel, v’ad, Mesha yn mac shinney, va ayr Ziph, as mec Mareshah, ayr Hebron.

⁴³ As mec Hebron; Korah, as Tappuah, as Rekem, as Shema.

⁴⁴ As hooar Shema Raham, ayr Jorkoam: as hooar Rekem Shammai.

⁴⁵ As mac Shammai va Maon: as Maon va ayr Beth-zur.

⁴⁶ As dymmyrk Ephah co-lhiabbagh Chaleb Haran, as Moza, as Gazez; as hooar Haran Gazez.

⁴⁷ As mec Jahdai; Regem, as Jotham, as Geshan, as Pelet, as Ephah, as Shaaph.

⁴⁸ Dymmyrk Maachah co-lhiabbagh Chaleb Sheber, as Tirhanah.

⁴⁹ Dymmyrk ee myrgeddin Shaaph ayr Madmannah, Shevah ayr Machbenah, as ayr Ghibea: as inneen Chaleb va Achsah.

⁵⁰ Ad shoh va mec Chaleb, mac Hur, yn er shinney ruggyr jeh Ephratah; Shobal ayr Kirjath-jearim,

⁵¹ Salma ayr Veth-lehem, Hareph ayr Beth-gader.

⁵² As va mec ec Shobal ayr Kirjath-jearim; Haroeh, as lieh jeh ny Manahethiteyn.

⁵³ As sheelogheyn Kirjath-jearim; ny Ithriteyn, as ny Puhiteyn, as ny Shumathiteyn, as ny Mishraiteyn: vouesyn haink ny Zareathiteyn, as ny Eshtauliteyn.

⁵⁴ Mac Salma; Beth-lehem, as ny Netophathiteyn, Ataroth, thie Yoab, as lieh ny Manahethiteyn, ny Zoriteyn.

⁵⁵ As sheelogheyn ny scrudeyryn, va cummal ec Jabez; ny Tirathiteyn, ny Shimeathiteyn, as Suchathiteyn. Shoh ny Keniteyn haink jeh Hemath ayr thie Rechab.