SALMOAK 85 - Navarro-Labourdin Basque

¹ Dabidi berari othoitza. Jauna, makur çaçu beharria eta ençun neçaçu, ceren naicen behar eta erromes.

² Çain çaçu ene arima, saindu naicelacotz; ene Jaincoa, salba çaçu çure cerbitzari, bere iguriquitza çure baithan daducana.

³ Urrical çaquizquit, Jauna, cergatic egun gucian oihuz egon bainarotzu;

⁴ Bozcaria çaçu çure sehiaren arima, çure gana, Jauna, alchatu dudalacotz ene arima;

⁵ Alabainan ezti eta goço çare, Jauna, eta urricalmendu handiac ditutzu çuri dei eguiten duten guciençat.

⁶ Çure beharriz, Jauna, har çaçu ene othoitza, eta atzarria çaudeci ene errequeizco oihuari.

⁷ Deihadar eguin darotzut ene hesturaco egunean, ceren bainauçu ençun.

⁸ Jaincoetan çure iduricoric ez da, Jauna, eta ez da çure eguincen araberacoric

⁹ Çuc eguin ditutzun jendaia guciac ethorrico eta çure aitzinean adoran jarrico dira, Jauna; eta ospaturen dute çure icena;

¹⁰ Ceren handi baitzare, çu, eta sendagailac eguiten ditutzuna: çu çare Jainco bakarra.

¹¹ Bida neçaçu, Jauna, çure bidean, eta ibilico naiz çure eguian; bozcaria bedi ene bihotza, çure icenaren beldur içan nadien.

¹² Ene bihotz guciaz aithor emanen darotzut, ene Jainco Jauna, eta bethi gucian ospaturen dut çure icena;

¹³ Ceren handia baita çure urricalmendua ene gainean, eta ene bicia atheratu baituçu ifernuco çolatic.

¹⁴ Jaincoa, gaixtaguinac ene gainera jaiqui dira, eta indardunen baldarna ibili da ene biciaren ondoan; eta etzaituzte çu eçarri beren aitzinean,

¹⁵ Eta çu, Jainco Jauna, urricalcor eta urricalmendu harçailea çare, jasancorra, urricalmendu handitacoa eta eguiatia.

¹⁶ Beguira çaçu ene gainera eta urrical çaquizquit; nausiaraz çaçu çure cerbitzaria, eta salba çaçu çure nescatoaren semea.

¹⁷ Ene alde aguerraraz çaçu cerbait eçagutzari, ikus deçaten ni hastiatzen nautenec, eta urth ditecen ahalquez; ceren lagundu bainauçu, Jauna, eta goçacari eman baitarotaçu.