SALMOAK 62 - Navarro-Labourdin Basque

¹ Dabiden psalmoa Idumeaco mortuan cenean.

² Jaincoa, ene Jaincoa, arguitzetic nagoçu atzarria. Çutaz egarritu da ene arima, cembatetan ez da çure gana lehiatu ene haraguia!

³ Toqui huts, ez bideric, ez uric ez duen huntan, çure aitzinera aguertu naiz hala-nola leku sainduan, çure indarraren eta ospearen ikusteco.

⁴ Çure urricalmendua hobe baita bici guciac baino, laudaturen çaituzte ene ezpainec.

⁵ Haletan benedicaturen çaitut ene bicitzean, eta çure icenean alchaturen ditut ene escuac.

⁶ Goçoz eta goritasunez betheco den beçala ene arima, ene ahoac bozcalenciaco cantutan laudaturen çaitu.

⁷ Baldin çutaz orhoitzen banaiz ene etzaunçan, çu baithan erabilico dut ene gogoa ordu goiztiarretan,

⁸ Çu içan çarelacotz ene lagunçailea. Çure hegalen itzalean jaucico da ene bozcarioa:

⁹ Çuri da iratchiqui ene arima: çure escuinac soincatu nau.

¹⁰ Aldiz, alferretan ene etsaiec bilhatu dute ene bicia; luphera jautsico dira;

¹¹ Ezpataren ahoari emanac eta hacerien pusca içanen dira.

¹² Erregue berriz, Jaincoaren baithan da bozturen: laudatuac içanen dira hartaz cin eguiten duten guciac, ceren tapatua içan baita tzarqueria-erraileen ahoa.