SALMOAK 6 - Navarro-Labourdin Basque

¹ Akabançaraino, cantatzeco, Dabiden psalmoa çorciurruneco.

² Jauna, ez beçadaçu jaçar çure suminduraren hatsean; ez beneçaçu açurria çure hasarrean.

³ Urrical çaquizquit, Jauna, ceren naicen hebain; senda neçaçu, Jauna, ceren asaldutan baitira ene heçurrac.

⁴ Asaldu gaitzean da ene arima; bainan çuc, Jauna, noiz arteo utziren nauçu huntan?

⁵ Ene alderat itzul çaite, Jauna; athera çaçu ene arima; salba neçaçu çure urricalmenduaren ariaz.

⁶ Alabainan ez da hilez gueroz nihor çutaz orhoit denic; ifernuan berriz, norc aithor bihurturen darotzu?

⁷ Auhenetan ahituric nago; gau oroz bustico dut ene ohea, nigar-uharrac ixurico ditut ene etzaunçaren gainera.

⁸ Gaitzidurac nahasi du ene beguia; çahartu naiz ene etsai gucien artean.

⁹ Urrun çaitezte ni ganic, tzarqueria-eguile guciac, ecen Jaunac ençun du ene nigar-marrasca.

¹⁰ Jaunac ençun du ene othoitza, Jaunac onhetsi du ene errequeia.

¹¹ Ahalca beitez ene etsai guciac, eror beitez nahastura gaitzera, ahalque gorritan itzul beitez laster.