SALMOAK 51 - Navarro-Labourdin Basque

¹ Azqueneraino, Dabiden adigarri,

² Doeg Idumearra ethorri cenean, eta Sauli berria ekarri eta erran çaroenean: Dabid Aquimelequen etchean içatu da.

³ Nolaz espantatzen duc malçurquerian hire burua, oi guiçon gaixtaqueriaco hazcar haicena?

⁴ Egun oroz hire mihia bidegabequeria asmatzen ibili duc; biçarnabala çorrotzac beçala cimarku eguin duc.

⁵ Malçurqueria onguia baino maiteago içan duc, makur minçatzea çucen baino.

⁶ Solas galgarri guciac maithatu dituc, oi mihi malçurra.

⁷ Hargatic Jaincoac xahutuco hau behin-bethico; kenduco eta iraicico hau hi hire olhatic, eta hire erroa bici direnen lurretic.

⁸ Prestuec ikusico dute, eta icituco dira; haren gainean irri-eguinen dute, eta erranen:

⁹ Horra guiçona, Jaincoa bere lagunçailetzat hartu ez-duena; Bainan bere aberastasun handietan eman du bere phesquiça eta bere ahal ezdeusaz buruiope hartu du.

¹⁰ Ni ordean, Jaincoaren etchean naiz oliba-ondo fruitutsu baten pare; ene phesquiça Jaincoaren urricalmenduan iduqui dut bethico eta menderen mendetaco.

¹¹ Bethi eta bethi aithor darotzut bihurtuco, horiec eguin ditutzulacotz; eta çure icenari egonen natzaio iguri, ceren den ona çure sainduen aitzinean.