SALMOAK 20 - Navarro-Labourdin Basque

¹ Azqueneraino, Dabiden psalmoa.

² Jauna, çure indarraz bozturen da erregue, eta çure ganicaco itzurpenaz bozcario handitan sarturen da.

³ Eman dioçu haren bihotzac nahi çuena, eta ez dioçu hutseguin haren ezpainetaco galdeari.

⁴ Aitzindu çaizquio alabainan çure eztitasuneco benedicioneez; haren buruaren gainean eçarri duçu harri baliosezco koro bat.

⁵ Bicia galdatu darotzu, eta çuc menderen mendetaco eman dioçu egunen lucetasuna.

⁶ Handia da haren ospea çure ganicaco itzurpenean; ospea eta berreguinça handia eçarcen ditutzu haren gainean;

⁷ Ecen benedicionetan emanen duçu menderen mendetan; bozcarioz betheco duçu çure beguithartea erakutsiz.

⁸ Ceren erreguec Jauna baithan daducan bere iguriquitza, Guciz-Goraren urricalpenari esquer ez da kordocatua içanen.

⁹ Çure escuac harrapa betza çure etsai guciac; çure escuinac atzeman betza higüin çaituzten guciac.

¹⁰ Labe kaldatua iduri eçarriren ditutzu, çure beguithartea aguertuco duçun orduan; Jaunac lazturen ditu bere hasarrean, eta suac iretsico ditu.

¹¹ Lurretic xahuturen ditutzu hequien haurrac, eta guiçasemeen artetic hequien ondocoac;

¹² Ceren çure gainera bihurtu duten gaizquia; asmuac eguin, bainan ecin obratu dituzte.

¹³ Hargatic ihes igorriren ditutzu, eta çure azquen ukaldietara itzularaciren dioçute beren beguithartea.

¹⁴ Çure indarrean alcha çaite, Jauna; cantu eta maniurretan ospaturen dugu çure ahalen handia.