SALMOAK 142 - Navarro-Labourdin Basque

¹ Dabiden psalmoa, bere seme Absalom ondotic çabilcoenean. Jauna, ençun çaçu ene othoitza; çure cintasunean onhets beçate çure beharriec ene errequeia; ençun neçaçu çure çucentasunean.

² Eta ez becedi sar juiamendutan çure cerbitzariarequin, ceren ez baita guiçon biciric çure aitzinean garbi içanen denic.

³ Ençun neçaçu, ceren etsaiac jaçarri baitio ene arimari, eta lurreraino aphaldu baitu ene bicia. Ilhumbeetan eçarri nau, aspaldico hilac iduri,

⁴ Eta ene izpiritua ene gainean grinatua da; bihotza asaldutan dut ene barnean.

⁵ Orhoitu naiz behialaco egunez; ene gogoa erabili dut çure eguinça gucien gainean; alhatzen nincen çure escuetaco lanez.

⁶ Hedatu darozquitzut escuac; ene arima deiez dagoquiçu uric gabeco lur bat iduri.

⁷ Laster ençun neçaçu, Jauna; iraungui da ene izpiritua. Ez biaçaçu aldara çure beguithartea, ecen eguin nintaque putzura jausten direnen idurico.

⁸ Goicetic adiaraz diçadaçu çure urricalmendua, ceren içan dudan çure baithan ene iguriquitza. Eçagutaraz diçadaçu ibili behar naicen bidea, ceren çure ganat alchatu dudan ene arima.

⁹ Jauna, çure ganat ihes eguin dut, athera neçaçu ene etsaien aztaparretic;

¹⁰ Irakats diçadaçu çure nahiaren eguiten, ceren çu baitzare ene Jaincoa. Çure izpiritu onac eramanen nau çucentasuneco lurrera; çure icenaren gatic,

¹¹ Jauna, biciaracico nauçu çure çucentasunaren arabera; Hesturatic atheratuco duçu ene arima;

¹² Eta ene ganateco çure urricalmenduan, xahutuco ditutzu ene etsai guciac. Eta galduco ditutzu ene arima hestutua daducatenac oro, ceren naicen ni çure cerbitzaria.