KOHELET 6 - Navarro-Labourdin Basque

¹ Bada berme gaitz bat ere iguzquiaren azpian ikusi dudana, eta guiçonen artean arduracoa:

² Guiçon bat ceinari Jaincoac eman içan baitiozca aherastasun, ontasun, ohoreac; eta haren arimac deusere ez du escas lehia duenetaric; eta Jaincoac ez dio eman hequiez goçatzeco ahala, bainan guiçon atze batec iretsico ditu: hori da hutsalqueria eta deithoragarritasun handia.

³ Norbaitec içan balitu ere ehun haur, bici içan balitz asco urthez eta adin handia ardietsi balu; baldin bere bician goçatzen ez baditu bere içançaco ontasunac eta ehorci gabe guelditzen bada; hortaz nic diot, hura baino hilori bat hobe dela.

⁴ Alabainan alferretan ethorri da, eta ilhumbeetara dihoa, eta ahanzpenac histuco du haren icena.

⁵ Iguzquia ez du ikusi, eta ez du eçagutu onguitic gaizquira nolaco artea den.

⁶ Eta bici içan balitz ere bi mila urthez, eta ontasunez goçatu ez balitz, ez othe doaci lasterrez oro leku berera?

⁷ Ahoarençat da guiçonaren lan gucia, bainan ez da betheco haren arima.

⁸ Çuhurrac cer du çoroac baino guehiago? eta cer du beharrac, ecenetz badohala bicia den toquira?

⁹ Nahi duçunaren ikustea hobe duçu, ez daquiçunaren lehia harcea baino: bainan hori ere hutsalqueria bat da eta gogo sendotasun bat.

¹⁰ Içan beharra dena, jadanic bere icenaz deithua da: jaquina da guiçon bat dela, eta hazcarragoarequin juiamendutan ecin iharduc deçaqueela.

¹¹ Erabilcen da elhe asco, eta asco solaz eztabadetan, oro hutsalqueriaz betheac.