JEREMIAS 45 - Navarro-Labourdin Basque

¹ Baruqui, Neriasen semeari, Jeremias profetac erran cioen hitza, Jeremiasen ahotic solas horiec liburu batean iscribatu cituenean, Judaco erregue Joaquin, Josiasen semearen laugarren urthean. Jeremiasec erran cioen:

² Israelgo Jainco Jaunac hau derraçu, Baruc:

³ Erran duçu: Ene dohacabea! Ceren Jaunac oinhacea berhatu baitu ene oinhacearen gainera; ethendu naiz auhenez, eta phausua ez dut aurkitu.

⁴ Hau dio Jaunac: Hunela erranen dioçu: Huna non alchatu ditudanen eragoztera nohan; landatu ditudanen, errotic atheratzera, eta lur hunen guciaren xahutzera.

⁵ Eta çu, gauça handiqueta çabilça çuretzat? Ez bilha; ecen huna non gaitza eracarriren dudan nic haraguidun ororen gainera, dio Jaunac; eta çuri beguiraturen darotzut bicia, goanen çaren toqui gucietan.