IRTEERA 16 - Navarro-Labourdin Basque

¹ Eta Israelgo semeen ostea oro, Elimetic abiaturic, ethorri cen, Eguiptoco lurretic atheratu eta bigarren hilabetheco hamaborzgarren eguneco, Sineco mortura, ceina baita Elimen eta Sinairen artean.

² Eta Israelgo semeen oste gucia erasian haritu cen eremuan Moisen eta Aaronen contra.

³ Eta Israelgo semeec erran içan cioten: Oxala hil içan baguina Jaunaren escutic Eguiptoco lurrean, jarcen guinenean haraguizco duphinen aldean, eta oguiz asea guinduenean certaco erakarri gaituçue mortu huntara, guciac gosez hilaraztera?

⁴ Bainan Jaunac erran cioen Moisi: Huna non erorraracico darotzuedan nic oguia cerutic; populua ilki bedi, eta bil beça egunean eguneco dina; froga deçadan hea ene bidean dabilan, ala ez.

⁵ Bainan seigarren egunean iduc beçate ekarrico dutena, eta hura içan bedi egun bakotchean bilcen ohi çuten beçalaco bia.

⁶ Moisec eta Aaronec erran cioten Israelgo seme guciei: Gaur jaquinen duçue Jaunac atheratu çaituztela Eguiptoco lurretic.

⁷ Eta bihar goicean ikusico duçue Jaunaren ospea; ençun du ecen çuen erasia haren contra: gu ordean cer gare, gure contra erasian hari çaiztecençat?

⁸ Eta Moisec erran çuen: Jaunac emanen darotzuete gaur haraguia jatera, eta bihar goicean oguiz asea: hori ceren aditu baititu çuen erasiac, ceinetaz haren contra marmaran haritu baitzarete: ecen, cer gare gu? çuen erasia ez da gure contra, bainan bai Jaunaren contra.

⁹ Moisec erran ere çuen Aaroni: Erroçu Israelgo semeen baldarna guciari: Hurbil çaizte Jaunaren aitzinera: ecen aditu du çuen erasia.

¹⁰ Eta Aaron Israelgo semeen bilku guciari minço celaric, beguiratu çuten eremuco aldera: eta hara non aguertu cen Jaunaren ospea hedoi batean.

¹¹ Bada Jauna minçatu cen Moisi, erraten cioelaric:

¹² Aditu ditut Israelgo semeen erasiac: erroçute: Gaur janen duçue haraguia, eta bihar goicean aseco çarete oguiz: eta jaquinen duçue ni naicela çuen Jainco Jauna.

¹³ Bada, guerthatu cen arrats aphalean, calla iganic, estali cituela campac: ihinça ere goicean hedatua cen campen inguruan.

¹⁴ Eta estali içan çuenean lurraren axala, eremuan aguertu cen bihi xehe bat, xurruan joa balitz beçala, içotza iduri lurraren gainean.

¹⁵ Hori ikusi çutenean, Israelgo semeec elkarri erran çuten: Manhu? erran nahi baita; Cer da hori? ecen etzaquiten cer cen hura. Moisec erran cioten: Hori da oguia çuei Jaunac jateco eman darotzuetena.

¹⁶ Hau da Jaunac manatzen darotzuen solasa: Batbederac bil beça hortaric jateco dina: gomor bat buru bakotcheco, olhan dagoecinen jende arauca, hola alchatuco duçue.

¹⁷ Eta Israelgo semeec hala eguin çuten: eta bildu içan çuten, batzuec guehiago, eta berceec gutiago.

¹⁸ Eta neurtu çuten gomorreco neurrian: eta guehiago bildu çuenac, etzuen gaindiric içatu: eta gutiago bildu çuenac, etzuen escasic atzeman: bainan batbederac bildu çuen jaten ahal çuenaren arabera.

¹⁹ Eta Moisec erran cioeten: Nihorc ez beça huntaric utz behar goiceco.

²⁰ Etzuten aditu nahi içan, bainan batzuec atchiqui çuten goiz arteo, eta abiatu cen harrez iraquitzen, eta usteldu cen; eta Moise samurtu citzaioten.

²¹ Gueroztic batbederac jan-ahala bilcen çuen goiz bakotchean: eta iguzquia berotzearequin, urcen cen.

²² Bainan seigarren egunean bilcen cituzten jatecoac bikunean, erran nahi da, bi gomor guiçon bakoxca: eta populuco aitzindari guciac ethorri ciren eta Moisi kondatu cioten.

²³ Hunec erran cioeten: Hori da Jaunac erran içan duena: Bihar larumbateco phausua Jaunari consecratua çaio; eguiteco direnac, eguizquitzue: eta erretzecoac, erre çatzue: eta guelditzen dena, bego goiz arteo.

²⁴ Eta eguin çuten Moisec manatu beçala: eta etzen usteldu, eta etzen hartan harric aurkitu.

²⁵ Eta Moisec erran çuen: Jan çaçue hori egun, ceren Jaunaren larumbata baita; egun ez da campoan aurkituco.

²⁶ Bil çaçue sei egunez: bainan çazpigarren egunean Jaunaren larumbata da; horren gatic ez da aurkituco.

²⁷ Eta ethorri cen çazpigarren eguna, eta populutic bilcera ilki cirenec, aurkitu etzuten.

²⁸ Bainan Jaunac erran cioen Moisi: Noiz arteo ez dituçue ene manamenduac eta ene leguea beguiratu nahico?

²⁹ Ikusaçue nola Jaunac eman içan darotzuen larumbata, eta horren gatic seigarren egunean jatecoac ematen darozquitzuete bikunean: norbera gueldi bedi bere egoitzan, nihor ez bedi ilki bere lekutic çazpigarren egunean.

³⁰ Eta populuac larumbata eguin çuen çazpigarren egunean.

³¹ Eta Israelgo etcheac janhari hura deithu çuen Mana: coriandraren haci xuria beçalacoa cen, eta gostua çuen irin eztiarequin orhatuac beçala.

³² Bada, Moisec erran çuen: Hau da Jaunac manatu içan duen solasa: Gomor bat manaz bethe çaçu, eta beguiratua içan bedi guerorat ethorcecoac diren guiçaldietan; eçagut deçatençat cer oguiz haci çaituztedan mortuan, Eguiptoco lurretic erakarriac içan çaretenean.

³³ Eta Moisec erran cioen Aaroni: Unci bat har çaçu, eta hartan mana eçar çaçu, gomor batec atchic-ahala: eta Jaunaren aitzinean phausa çaçu, ethorri behar diren çuen guiçaldiençat beguiratzeco,

³⁴ Jaunac Moisi manatu içan dioen beçala. Eta Aaronec hura tabernaclean eçarri çuen guerocotzat.

³⁵ Bada, Israelgo semeec manatic jan çuten berrogoi urthez, heldu arteo egonquidin cen lurrera: janhari hortaz haci ciren Canaango lurreco mugac uquitu arteo.

³⁶ Bada, gomorra ephiaren hamargarrena da.