1 ERREGEAK 10 - Navarro-Labourdin Basque

¹ Ençunic Salomonen omena Jaunaren icenean, Sabaco erreguina ere ethorri cen, asmacaritan haren frogatzera.

² Eta Jerusalemera sarthuric lagunqueta handi batequin, aberastasun ascorequin, eta balsamu, urhequeta gaitz bat eta harri baliosac çakarzten camelu batzuequin, ethorri cen erregue Salomonen gana, eta erran çarozquien bere bihotzean cituenac oro.

³ Eta Salomonec arguitu çuen aitzinera eman çarozquien solas gucien gainean, eta hitz bakar bat etzen içan erregueri gordea guelditu citaqueenic eta ceinari ez baitzuen ihardetsi.

⁴ Bada, Sabaco erreguinac ikustearequin Salomonen çuhurcia gucia eta harec alchatu etchea,

⁵ Haren mahaineco janhariac, cerbitzarien egon-lekuac, hequien araldeac eta soinecoac, eta hango edaraleac, eta Jaunaren etchean escaincen cituen holocaustac, etzen guehiago bere baithan.

⁶ Eta erregueri erran çaroen: Eguia da ene lurrean ençun içan dudana

⁷ Çure solasez eta çure çuhurciaz; eta ez nituen sinhesten niri erraileac, neroni ethorri arteo eta ene beguiz ikusi arteo; eta frogatu dut eguiaren erdia ere etzarotedala erran. Çure çuhurcia eta çure eguinçac nic omenca adituac baino handiagoac dira.

⁸ Dohatsu çure guiçonac! eta dohatsu çure cerbitzariac, bethi çure aitzinean daudecinac, eta çure solas çuhurra aditzen dutenac!

⁹ Benedica bedi çure Jainco Jauna, ceinaren gogaraco içatu baitzare, eta ceinac Israelgo tronuaren gainean eman baitzatu, Jaunac Israel maithatu duelacotz bethi gucico, eta erregue eçarri baitzaitu çucenari eta çucentasunari beren bidea emateco.

¹⁰ Beraz Sabaco erreguinac, Salomoni eman ciozcan seietan hogoi talendu urhezcoac, balsamuqueta handi bat eta harri baliosac. Egundaino gueroztic ez da ekarri içan hambat balsamu nola Sabaco erreguinac eman baitziozcan erregue Salomoni.

¹¹ (Halaber Hiramen unci Ophirretic urhea çakartenec, çuhamu usain oneco queta handi bat eta harri baliosac ekarri cituzten Ophirretic.

¹² Çur usaindun hequietaric erreguec eguin cituen Jaunaren temploco eta erregue jaureguico temposac, eta cantarien guitarrac eta lirac. Halaco çuhamu usaindunic ez da orai arteo egundaino ekarri ez-etare ikusi).

¹³ Erregue Salomonec, berriz, Sabaco erreguinari eman ciozcan nahi içan cituen eta hari galdatu guciac, berçalde cirelaric, bere baitharic escaini ciozcanac erregue biçartasun cinezco batequin. Erreguina itzuli eta bere cerbitzariequin goan cen bere lurrera.

¹⁴ Salomoni, urthe bakotch, ekarcen çaroeten urhearen phisua, sei ehun eta hirur hogoi eta hamar urhezco talendurena cen.

¹⁵ Erran gabe cergaçaleec, tratulariec, pusca-salçaileec, Arabiaco erregue guciec eta lurreco buruçaguiec ekarcen çaroetena.

¹⁶ Erregue Salomonec halaber eguin cituen berrehun erredola urhe garbienetic. Erredola bakarraren xaflençat eman cituen sei ehun siclo urhezco.

¹⁷ Eta eguin cituen hirur ehun erredola motch urhe frogatuz. Erredola bakotcha estalia cen hirur ehun mina urhezcoz. Erreguec eçarri cituen Libango oihaneco etchean.

¹⁸ Erregue Salomonec eguin çuen orobat boliazco tronu handi bat eta estali çuen urhe gorriz.

¹⁹ Tronuac bacituen sei mail; gaina biribil çuen guibelean; bacituen bi escu bi aldeetaric jarlekua çaducatenac, eta bi lehoin çauden bi escuen aldean;

²⁰ Eta hamabi lehoincume çauden mailen gainean, sei alde batetic eta sei bercetic. Ez da nihongo erresumetan eguin halaco lan bat.

²¹ Unci guciac ere ceinetan edaten baitzuen erregue Salomonec, urhezcoac ciren, eta Libango oihaneco etchean tresna guciac urhe garbienetic ciren. Cilharra etzen ikusia eta deus guti cen preçatua Salomonen egunetan,

²² Ceren erregueren unciac Hiramen unciequin itsasoz Tharsisera goaten baitziren hirur urthetaric behin, eta handic ekarcen cituzten urhea, cilharra, elefant-horçac, ximinoac eta paunac.

²³ Erregue Salomonec gainditu cituen beraz lurreco erregue guciac bere aberastasunez eta çuhurtasunaz.

²⁴ Eta lurra çagoen gucia Salomonen beguithartea ikusi nahiz, ençutea gatic Jaincoac haren bihotzean eçarri çuen çuhurcia.

²⁵ Eta batbederac ekarcen ciozcan emaitzac, cilharrezco eta urhezco unciac, soinecoac, guerlaco harmac, balsamuac ere, eta çaldiac eta mandoac, urthe oroz.

²⁶ Salomonec bildu cituen orga-lasterrac eta çaldizcoac; orga-lasterrac igan ciren hamalau ehunetara, eta çaldizcoac hamabi miletara; eta eçarri cituen hiri hazcartuetan, eta erreguerequin Jerusalemen.

²⁷ Eta hala eguin çuen, non dirua Jerusalemen harria beçain nasai baitzen; eta haimberce cedro bacela, nola bazterretan sorcen diren ficomorac.

²⁸ Eguiptotic eta Coatic çaldiac erakarcen ciozcaten Salomoni. Ecen erregueren tratulariec erosten cituzten Coatic, eta erakarcen ciozcaten precio xedatu batean.

²⁹ Eguiptotic sei ehun cilharrezco siclotan atheratzen ciren lau çaldi, eta çazpitan hogoi eta hamar siclotan çaldia. Eta Hethearren erregue guciec eta Siriacoec horreletan salcen cituzten çaldiac.