- लूका 3 - Bundeli Holy Bible

¹ तिबिरियुस कैसर के राज के पंद्रहवें बरस में जब पुन्तियुस पीलातुस यहूदिया का राजपाल हतो, और चौथाई के राजाओं में हेरोदेस गलील का और ऊकौ भाई फिलिप्पुस इतूरैया, और फिलिप्पुस त्रखोनीतिस का और लिसानियास अबिलेने में हाकम हते।

² और जब हन्ना और कैफा महायाजक हते, ऊ टैम परमेसुर कौ बचन हार में जकरयाह के बेटा यूहन्ना लौ पोंचो।

³ और बो यरदन के आसपास के प्रदेश में जाके, पापन की छिमा के लाने मन फिराओ के बपतिस्मा कौ सन्देसो देन लगो।

⁴ जैसा यशायाह आगमवकता के कहे भए वचनन की पोथी में लिखो आय, कि हार में एक टेरबेवाले कौ बोल सुन पड़त आय, कि पिरभु की गैल तईयार करो, ऊके गैल गोला सूदे बनाओ।

⁵ हर घाटी पाट दई जै है, और सबरे पहरवा और टीला नेंचें करे जै हैं; और जौन टेड़ो आय बो सीधो, और जौन ऊंचो नेंचो आय समतल गोला बन है।

⁶ और सबरे प्रानी परमेसुर के उद्धार हां तक हैं।

⁷ जौन मान्सन कौ झुण्ड़ कौ झुण्ड़ कड़ के ऊसे बपतिस्मा लेबे हां आत हतो, बो उन से कैत हतो; हे सांप के बच्चो, तुम हां कीने चिता दओ, किआबेवाले खुन्स से भागो।

⁸ सो अधरम से पछता के धरमी बनबे कौ जतन करो: और अपने अपने हियन में जौ न बिचारो, कि हमाओ बाप इब्राहीम आय; कायसे मैं तुम से कै त आंव, कि परमेसुर इन पत्थरन से इब्राहीम के लाने बालबच्चा पैदा कर सकत आय।

⁹ और अब तो कुल्हाड़ा पेड़ों की जड़ पे धरो आय, ई लाने जौन पेड़ साजो फल नईं फलत, बो काटो और आगी में डालो जात आय।

¹⁰ मान्सन ने ऊसे पूंछो, तो हम का करें?

¹¹ ऊ ने उन से कई, जी लौ दो पैरबे के उन्ना होबें, बो उन हां बांट देबें जी लौ नईंयां और जी लौ खैबे हां खाना होबै, बो भी ऐंसई करे।

¹² और कर टैक्स लेबेवाले सोई बपतिस्मा लेबे हां आएं, और ऊसे पूंछो, हे गुरू हम का करें?

¹³ ऊ ने उन से कओ, तुमाए लाने जितेक ठैराओ गओ आय, ऊसे अतकारो न लईयो।

¹⁴ और सिपाहियन ने सोई ऊसे जौ पूंछो, हम का करें? ऊ ने उन से कओ, कोऊ पे उपद्रव न करियो, और न लबरो लांछन लगाईयो, और अपनी मजूरी में खुस रहियो।

¹⁵ जब मान्स आस लगाएं हते, और सबरे अपने अपने हिये में यूहन्ना के बारे में विचार करत हते, कि कऊं जौई तो मसीह नईंयां?

¹⁶ तब यूहन्ना ने उन सबरन से कओ: मैं तो तुम हां पानू से बपतिस्मा देत आंव, परन्त बो आबेवारो आय, जौन मोय से बली आय; मैं तो ई जोग नईंयां, कि ऊके जूतन के फीता खोल सकों, बो तुम हां पवित्तर आत्मा और आग से बपतिस्मा दै है।

¹⁷ ऊ को सूपा ऊके हांथ में आय; और बो अपनो खलिहान अच्छी भांत साफ कर है; बो गेंहूं हां तो अपने खत्ते में जमा कर है, पर भूसा हां ऊ आग में डाल है जौन बुझबे की नईंयां।

¹⁸ सो और बिलात दूसरी बातन हां समजा के बो भलो सन्देसो सुनात रओ।

¹⁹ परन्त जब ऊ ने चौथाई देस के हाकम हेरोदेस हां ऊके भाई फिलिप्पुस की घरवाली हेरोदियास के बारे में बुरए काम जौन ऊ ने करे हते, तो ऊहां फटकार लगाई।

²⁰ तो हेरोदेस ने और बुरए काम के संग्गै जौ सोई करो कि यूहन्ना हां ऊने जेल में डाल दओ।

²¹ जब सबरे मान्सन ने बपतिस्मा लओ, और यीशु ने सोई बपतिस्मा लओ और बो बिन्तवाई कर रओ हतो, तो आकास खुल गओ।

²² तब पवित्तर आत्मा कबूतर की भांत ऊ पै उतरो, और जा आकासवानी भई, तें मोरो प्यारो पूत आय, मैं तोसें खुस आंव।

²³ जब यीशु अपनी सेवकाई करन लगो, तो ऊ लगभग तीस बरस कौ हतो और (जैसो समजो जात आय) बो यूसुफ कौ पूत हतो; और बो एली कौ।

²⁴ और बो मत्तात कौ, और बो लेवी कौ, और बो मलकी कौ, और बो यन्ना कौ, और बो यूसुफ कौ।

²⁵ और बो मत्तित्याह कौ, और बो आमोस कौ, और बो नहूम कौ, और बो असल्याह कौ, और बो नोगह कौ।

²⁶ और बो मात कौ, और बो मत्तित्याह कौ, और बो शिमी कौ, और बो योसेख कौ, और बो योदाह कौ।

²⁷ और बो यूहन्ना कौ, और बो रेसा कौ, और बो जरुब्बाबिल कौ, और बो शालतियेल कौ, और बो नेरी कौ।

²⁸ और बो मलकी कौ, और बो अद्दी कौ, और बो कोसाम कौ, और बो इलमोदाम कौ, और बो एर कौ।

²⁹ और बो येशू कौ, और बो इलाजार कौ, और बो योरीम कौ, और बो मत्तात कौ, और बो लेवी कौ।

³⁰ और बो शमौन कौ, और बो यहूदाह कौ, और बो यूसुफ कौ, और बो योनान कौ, और बो इलयाकीम कौ।

³¹ और बो मलेआह कौ, और बो मिन्नाह कौ, और बो मत्तता कौ, और बो नातान कौ, और बो दाऊद कौ।

³² और बो यिशै कौ, और बो ओबेद कौ, और बो बोआज कौ, और बो सलमोन कौ, और बो नहशोन कौ।

³³ और बो अम्मीनादाब कौ, और बो अरनी कौ, और बो हिस्रोन कौ, और बो फिरिस कौ, और बो यहूदाद कौ।

³⁴ और बो याकूब कौ, और बो इसहाक कौ, और बो इब्राहीम कौ, और बो तिरह कौ, और बो नाहोर कौ।

³⁵ और बो सरूग कौ, और बो रऊ कौ, और बो फिलिग कौ, और बो एबिर कौ, और बो शिलह कौ।

³⁶ और बो केनान कौ, और बो अरफजद कौ, और बो शेम कौ, और बो नूह कौ, और बो लिमिक कौ।

³⁷ और बो मथूशिलह कौ, और बो हनोक कौ, और बो यिरीद कौ, और बो महललेल कौ, और बो केनान कौ।

³⁸ और बो इनोश कौ, और बो शेत कौ, और बो आदम कौ, और बो परमेसुर कौ हतो।