- 3 यूहन्‍ना 1 - Bundeli Holy Bible

¹ मैं सियाने ने जा चिठिया लिखी प्यारे गयुस के नाओं, जीहां मैं मन से चाहत आंव।

² प्यारे भईया, मोरी जा बिन्तवारी आय; जैसे तें हिये की बातन में बढ़ रओ आय, ऊं सई सबरी बातन में बढ़े, और भलो चंगौ बनो रैबे।

³ जब भईयन ने इते आके बताओ, कि तें सत्त पे चलत आय, तो मोहां भलो लगो।

⁴ मोहां ईसे बढ़के कोऊ भलो नईं लगत, कि मोरे लड़कावारे सत्त पे चलत आंय।

⁵ प्यारे भईया, तें परदेसी भईयन से अच्छे बिसवासी घांई सम्बन्ध धरें आय।

⁶ उन ने इते की मण्डली के सामूं तोरे प्रेम की कई, जौन मोहां भली लगी, तें उन हां ऊंसई विदा सोई करियो।

⁷ कायसे बे ऊ नाओं के लाने कड़े आंय, और अन्य जातियन से कछु नईं लेत।

⁸ जौन हमाए संग्गै उन सांची बातन हां मानत आंय, उनको अपने बीच मान करियो।

⁹ दियुत्रिफेस जौन बड़ो बनत आय, हमाई कई नईं करत।

¹⁰ जब मैं आहों, तो ऊके कामन की याद दिला हों, और बता हों कि तें हम हां काए बुरओ कैत है; और इतईं नईं दूसरे भईयन हां बिरादरी में लैबे से मना करत आय; और दूसरन हां लैबे से हटकत आय, और बिरादरी से निकाल सोई देत आय।

¹¹ प्यारे जनों, बुराई के नईं, परन्त भलाई के संग्गी बनो, कायसे भलाई करबेवारो मानो परमेसुर हां मानत आय; और बुरो करबेवारे मानो उन हां नईंर् मानत।

¹² देमेत्रियुस के लाने सबरन ने बताओ और हम सोई कैत आंय; और तोहां पता आय कि हम लाबरी नईं कैत, कि बो सांचो जनो आय।

¹³ मोय तोहां और लिखने हतो; परन्त सियाही और कलम से नईं लिखो चाहत।

¹⁴ मोरी मन्सा आय कि झट्टई तुम लौ आओं तो अपन आमूं सामूं बतकाओ करबी; तुम साजे रओ। इते के भईया तुम हां नमस्कार कैत आंय; उते के सबरे भईयन हां मोरो नमस्कार कईयो।