- दूसरी कुरिन्थियों 13 - Bundeli Holy Bible

¹ अब तीसरी बेर तुम लौ आत आंव: दो और तीन गवाह जौन एक बात कै हैं।

² जैसे मैं जब दूसरी बेर तुमाए संग्गै हतो, मानो दूर रैत भए उन से जिन ने पेंला पाप करो, और दूसरे लोगन से अब पेंला से कय देत आंव, कि मैं फिन आहों, तो अब न छोड़ हों।

³ तुम चाहत आव कि मैं बताओं के मसीह मोसे बात करत आय, जौन तुमाए बीच कमजोर नईं; अकेले बली आय।

⁴ बो कमजोरी में क्रूस पै चढ़ाओ तो गओ, अकेले परमेसुर के बल से अबै जीयत है, हम तो सोई उन में कमजोर आंय; अकेले परमेसुर के बल से जौन तुमाए लाने आय, उनके संग्गै जी हैं।

⁵ अपने आप हां जांचो, कि बिसवास में पक्के हो कि नईंयां; अपने हां जांचो, का तुम जौ नईं जानत, कि यीशु मसीह तुम में आय? नईं तो तुम निकम्मे कड़े।

⁶ मोरी जा आसा आय, कि तुम जान लैहो, कि हम निकम्मे नईंयां।

⁷ और हम अपने परमेसुर से जा बिन्तवाई करत आंय, कि तुम कोई बुरय काम नईं करो; ईसे नईं, कि हम अच्छे दिखाबें, अकेले ईसे कि तुम भलो करो, चाए हम कछु काम के न कड़ें।

⁸ कायसे हम सांचे के बदले बिरोध में कछु नईं कर सकत, अकेले सांचे के काजें सब कर सकत आंय।

⁹ जब हम कमजोर आंय, और तुम बली आव, तो हम खुस होत आंय, और जा बिन्तवाई सोई करत आंय, कि तुम बढ़िया हो जाओ।

¹⁰ ईसे में तुमाए पीठ पाछें जौ लिखत आंव, कि उते आके जौन अधकार मोहां मिलो आय जीहां पिरभू ने बिलोरबे हां नईं अकेले बनाबे हां मोहां दओ आय, कर्रे होकें कछु करने न पड़े।

¹¹ सो भईया हरौ, सुखी रओ; पक्के होत जाओ; हिम्मत राखौ; एक मन राखौ; जुड़के रओ, और प्रेम और सान्ति को दैबेवारो परमेसुर तुमाए संग्गै होबै।

¹² एक दूसरे हां पवित्तर चूमा देके नमस्कार करो।

¹³ सबरे पवित्तर जनें तुम हां नमस्कार करत आंय।

¹⁴ पिरभू यीशु मसीह की दया और परमेसुर कौ प्रेम और पवित्रात्मा की संगत तुम सबरन के संग्गै होत रए।