लूका 6 - Bagri

सब्त गो प्रभु

¹ एक बारी बो सब्त गै दिन खेता माखर जाण लागरयो अर बिंगा चेला कणक गी बालां तोड़गे भोर-भोर गे खातां जावै हा।

² जद बिनै फरीसियां पूछयो, “थे ओ के करण लागरया हो, नेम विधान गै अनुसार सब्त गै दिन इंया करणो ठीक कोनी?”

³ यीसू बानै जबाब दियो, “थे सासतर में पढयो कोनी के राजा दाऊद अर बिंगा साथी जद भूखा हा, तो बां के करयो?

⁴ बे परमेसर गै तंबु में गेया अर बठै चढाएड़ी रोटियां नै बां सारा खाई, झिकी रोटी नै याजकां नै छोड़गे ओर कोई कोनी खा सकै हो।”

⁵ अर बण बानै केयो, “मिनख गो बेटो सब्त गै दिन गो बी मालिक है।”

आदमी गै सुकेड़ै हात नै ठीक करणो

⁶ इंया होयो कै एकर ओर सब्त गै दिन यीसू सतसंग घर में जा'गे परबचन सुणाण लाग्या। बठै एक आदमी हो झिकै गो सजो हात सुकेड़ो हो।

⁷ सासतरी अर फरीसी यीसू पर नेम-विधान नै तोड़ण गो इल्जाम लगाण गो मोको ढूंढै हा कै देखां ओ सब्त गै दिन ठीक करै है के कोनी?

⁸ पण बो बांगै मन गी बात जाणै हो ईंखातर बण बिं सुकेडै़ हात आळै आदमी नै केयो, “खड़यो हो अर बिचाळै आ” जद बो खड़यो होगे बिचाळै आ'ग्यो।

⁹ यीसू बानै केयो, “मैं थानै पूछूं कै सब्त गै दिन भलो करणो आच्छो है जा बुरो; किनैई बचाणो आच्छो है जा मारणो?”

¹⁰ जद यीसू च्यारूंमेर बां सगळा कानी देख्यो अर बिं आदमी नै केयो, “तेरो सुकेड़ियो हात आ'गै कर” बण हात आ'गै कर दियो तो बिंगो हात बिं घड़ी ई ठीक हो'ग्यो।

¹¹ ईं बात ऊं बे रीस बळगे आपसरी में गुसर फूसर करण लागग्या कै इनै आपां किंया फसावां?

बारा खास चेला नै चुण्या

¹² बां दिनां में यीसू प्हाड़ पर पराथना करण गेयो तो बण सारी रात पराथना में बिता दी।

¹³ जद दिन उग्यो तो बण आपगै सारा चेला नै बुला'गे बामूं बारा खास चेला चुण लिया। अर बानै खास चेला केयो।

¹⁴ बागां नाम ऐ है: समौन झिकै गो दूसरो नाम पतरस है,

¹⁵ अर इंगो भाई अन्द्रियास अर याकूब, यूहना अर फिलिप्पुस, बरतुल्मे, मत्ती, थोमा, हलफई गो बेटो याकूब, अर समौन झिकै गो दूसरो नाम जेळोतेस है,

¹⁶ अर याकूब गो बेटो यहूदा अर यहूदा इस्करियोति झिकै यीसू नै पकड़ायो हो।

सिक्सा देणी अर ठीक करणो

¹⁷ जद यीसू प्हाड़ पर ऊं उतरगे नीचै आयो तो बठै पूरै यहुदियां, यरुसलेम, सूर अर सेदा गा लोग अर बिंगै चेला गी मोटी भीड़ खड़ी ही।

¹⁸ बे झिका बांगो परचार सुणण अर बीमारियां ऊं ठीक होण खातर कनै आया। अर झिका में ओपरियां गी कसर ही, बानै ठीक करया।

¹⁹ सारा बिंगै हात लगाणो चावा क्यूंकै बामूं निकळण आळी सामरथ सारा नै ठीक करै ही।

आसिस अर सोक गा बचन

²⁰ जद यीसू आपगै चेला कानी देखगे केयो, “धन्य हो थे झिका गरीब हो, क्यूंकै थानै बी परमेसर गै राज गी प्रजा गो हक मिलैगो।

²¹ धन्य हो थे झिका अब भूखा हो, क्यूंकै सारा धपाइजोगा। धन्य हो थे झिका अब रोवो, क्यूंकै थे हांसोगा।

²² धन्य हो थे जद मिनख गै बेटै गै कारण लोग थारै सागै बैर करसी, अर थानै काडगे थारी निंदा करसी अर थारो नाम लेणो पसंद कोनी करैगा।

²³ बिं दिन राजी होगे नाचीयो क्यूंकै थारै खातर सुरग में भोत मोटो फळ है। याद करो कै थानै बुरो केण आळा लोगां गा बाप दादा परमेसर गी बात बोलण आळा गे सागै बी इंयाई करता आया है।

²⁴ पण थारै उपर भोत बुरो होवैगो झिका अमीर है, क्यूंकै बां आपगो सुख चेन ले लियो है।

²⁵ थारै उपर भोत बुरो होवैगो झिका अब धापेड़़ा हो क्यूंकै बे भूख मरसी। थारै उपर भोत बुरो होवैगो झिका अब हांसों, क्यूंकै थे रोवोगा अर दुख करोगा।

²⁶ थारै उपर भोत बुरो होवैगो झिका नै सगळा लोग भला केवै, क्यूंकै बांगै बाप दादा बी झूठी बात बोलण आळा नै इंयाई केवंता हा।”

दुसमणा ऊं प्रेम राखो

²⁷ “पण मैं थानै केऊं कै थे थारै दुसमणा ऊं बी प्रेम राखो झिका थारूं बेर राखै, बांगो भलो करो।

²⁸ झिका थारो बुरो सोचै है बानै आसिस देवो अर झिका थारी बुराई करै बां खातर पराथना करो।

²⁹ झिका थारै एक गाल पर थपड़ मार देवै तो बिं कानी दूसरो गाल बी कर दैयो, झिको थारो खेसलो खोसल्यै तो बिनै कुड़तो बी राजी होगे दे देवो।

³⁰ झिका थारूं कोई चीज मांगै तो बानै देवो अर झिका थारूं चीज खोस लेवै तो बिनै पाछी ना लेवो।

³¹ मेरै केण गो मतलब है जिंया थे चावो कै थारै सागै बरताव करै बिंयाई थे बी दूसरा गै सागै बरताव करो।

³² जे कोई थारूं प्रेम राखै अर थे बिंगै सागै ई प्रेम राखो तो के मोटी बात है, क्यूंकै पापी लोग बी इंयाई करै।

³³ जे थारो कोई भलो करै अर थे बिंगो ई भलो करो के मोटी बात है क्यूंकै पापी लोग बी इंयाई करै।

³⁴ जे थे किनैई कीं चीज ऊधारी दे दैयो अर बिंगी पाछी आण गी आस राखो तो के बडाई गी बात है, क्यूंकै पापी लोग बी तो इंयाई करै।

³⁵ थे आपगै दुसमणा ऊं प्रेम राखो बांगी भलाई करो, कोई चीज पाछी ना लेण गी आस राखगे ऊधारी देवो। इंया करणो परमेसर गी नजर में बिंगी उळाद ठेरोगा अर थानै बिंगो मोटो फळ मिलसी, क्यूंकै बो आच्छा-माड़ा सारां पर दया करण आळो है।

³⁶ जिंया थारो पिता परमेसर दया करै बिंयाई थे सारां पर दया करो।”

दोस ना लगाओ

³⁷ “जे थे कीं पर दोस ना लगाओगा तो थारै पर बी कोनी लगाइजै गो, अर ना'ई दूसरै गो बिरोध करो क्यूंकै थारो ई कोनी करीजैगो। दूसरा नै माफ करोगा तो थानै ई माफी मिलसी।

³⁸ किनैई कीं देवोगा तो थानै ई बिंऊं भोत जादा मिलसी क्यूंकै झिकै नाप ऊं थे दियो बिं नाप ऊं ई थानै मिलसी।”

³⁹ फेर यीसू बानै मिसाल बतायी कै आंधो आंधै नै रा बतावै गो तो बे दोनूं दरडै़ में कोनी पड़सी के?

⁴⁰ चेलो आपगै गुरूं ऊं मोटो कोनी हो सकै पण झिको पूर्ण होवैगो बो गुरू गै बराबर हो सकै।

⁴¹ तनै दूसरै गी आंख में तो फूसको दिखै पण आपगी आंख में पड़यो डोको कोनी दिखै।

⁴² जद तनै आपगी आंख में लठ कोनी दिखै तो दूसरै नै किंया के सकै कै तेरी आंख गो फूसको काड़ दैयूं। अरै कपटी, पेलां आपगी आंख ऊं लठ दूर कर जद दूसरै गी आंख गो फूसको काडण खातर थानै साफ दिखैगो।

जिसो दरखत बीस्योई फळ

⁴³ हिस्यो कोई आच्छो दरखत कोनी झिकै गै माड़ो फळ लागै अर ना'ई हिस्यो कोई माड़ो दरखत है झिकै गै आच्छो फळ लागै।

⁴⁴ आच्छो दरखत आपगै आच्छै फळा ऊं पिछाणिजै क्यूंकै लोग झाड़कां गै कदी अंगुरिया अर बडिया फळ कोनी तोडै़।

⁴⁵ इंयाई भलो आदमी आपगी भली बातां ऊं अर बुरो आदमी आपगी बुरी बातां ऊं पिछाणिजै। क्यूंकै झिकी बातां बिंगै मन में है बे ई मूं पर आवै।

घर बणाण आळा दो आदमी

⁴⁶ जद थे मेरो केणो ई कोनी मानो तो फेर क्यामी प्रभु-प्रभु केण लागरया हो।

⁴⁷ झिको कोई मेरै कनै आवै अर मेरी बात सुणगे मानै बो आदमी बिं आदमी बरगो है,

⁴⁸ झिकै आदमी आपगै घर गी नींव माटी नै डूंगी पट'गे पथर पर रखी है अर बाड आई पण बिनै हिला कोनी सकी क्यूंकै बिंगी नींव मजबूत रखैड़ी ही।

⁴⁹ पण बो आदमी झिको मेरी बात सुणगे कोनी मानै बो बिं बरगो है झिको आपगै घर गी नींव रेत पर खोद'गे रखी। अर बाड ऊं खूर'गे बिंगो घर नास हो'ग्यो।