कुलुसी 3 - Bagri

मसी गै बिस्वास गै द्वारा नुओ जीवन

¹ जे थानै मसी पर बिस्वास करण ऊं परमेसर एक नुओ जीवन दियो है तो थे झिकी चिजां सुरग में है बानै ढूंढता रेवो। बिं जिग्यां मसी अब है अर परमेसर गै दाहिणै ओर बेठयो है।

² सदां ई झिकी सुरग पर है बां बातां नै याद करता रेवो पण झिकी धरती में है बां पर ध्यान ना देओ।

³ क्यूंकै थारो बुरो सभाव मरग्यो अर अब थानै यीसू मसी गै सागै परमेसर गै सामै एक नुओ जीवन मिल्यो है अर थारै जीवन नै दुसरा लोग समझ कोनी सकै।

⁴ मसी झिको आपणो जीवन है बिंगै दुसर आण गै टेम थे बी बिंगै सागै आदर ऊं परगट करिजोगा।

⁵ ईंखातर बेबीचार, मन गो खोट, बुरी इच्छावां, सरीर गी लालसा, संसार गी सारी लालसा झिकी मूरती पूजा गै बराबर है बानै पूरी तरियां छोड़दैयो।

⁶ आं सारी बातां गै द्वारा परमेसर गी सजा झिका लोग बानै कोनी मानै बां पर आवै है।

⁷ परमेसर पर आपगो जीवन समरपित करण ऊं पेलां थे बी आं सारी बातां गै लारै चाला हा।

⁸ अब थे रीस, बिरोध, बेरभाव, चुगली करणी, गळत बात बोलण गी आदत आं सारी बातां नै छोडणी है।

⁹ दूसरां गै सागै झूठ ना बोलो क्यूंकै थे सारी बुरी इच्छावां अर सारी चिजां झिकी पेलां करता हा बानै सारा नै छोड़ दी है।

¹⁰ परमेसर थानै अब एक नुओ जिसो बणाण लागरयो है ईंखातर आपणो परमेसर कितो म्हान है ओ समझ सकां अर बांगै बारै में ओर बोळो जाण सकां।

¹¹ बिमै यहुदी अर गेर यहुदी अर खतनो करण आळा अर बिना खतनो करण आळा, पढेड़ो अर अणपढ, गुलाम अर आजाद आमै कोई फरक कोनी। मसी सारो कीं अर सारा में है।

बिस्वासियों गो चाल चलण

¹² थे लोग परमेसर गै चुणेड़ा पवितर अर प्यारा लोग हो। ईंखातर थे दया, सेण सकती, दीनता, कोमलता अर धीरज नै धारण करो।

¹³ अर जे कोई किनै ई कीं पर ई दोस लगाण गो कोई कारण होवै तो बिनै सेण कर ल्यो अर जे कोई थारै सागै लड़ाई करै तो बिनै माफ करणो चईयै अर थे एक दूसरै नै इंया माफ करो जिंया प्रभु थानै माफ करया।

¹⁴ सारा ऊं मोटी बात प्रेम है। ओ प्रेम सारा नै एक सागै रेण में मदद करै है।

¹⁵ मसी ऊं मिलण आळी सांती ऊं थे थारै मन नै संभालो। ईंखातर थे बिमै एक ई सरीर में बुलाएड़ा हो। सदां ई धन्यवाद करता रेवो।

¹⁶ सदां ई धन्यवाद गै सागै भजन अर स्तुति अर आत्मिक गीत गाओ अर एक दूसरै नै सिखाओ। मसी गो बचन थारै मा बोळो बसण दैयो।

¹⁷ अर बचन ऊं या काम ऊं झिको कीं थे करो हो बो सारो कीं प्रभु यीसू गै नाम ऊं करो। बिंगै द्वारा पिता परमेसर नै धन्यवाद देवंता रेवो।

परिवार में जीवन बिताण गी सलाह

¹⁸ हे लुगाईयो, थारै घर आळै गै सागै दीनता ऊं रेवो। इंया कर'गे थे प्रभु गी बातां नै पूरी करो।

¹⁹ हे आदमियों, थारै घर आळीयां गै सागै प्रेम ऊं रेवो। बांनै कदैई तंग ना करो।

²⁰ हे टाबरों, सारी बातां में आपगै मां बाप गी आग्या गो पालण करो क्यूंकै इंगै द्वारा प्रभु खुस होज्यै'गो।

²¹ हे पिताओं, आपगै टाबरा नै तंग ना करो। जे थे इंया करोगा तो बे निरास हो'ज्यैगा।

²² हे गुलामी में रेण आळा लोगो, आपगै मालिकां नै झिका संसार में है बांगी सारी बाता नै मानो। बां लोगां नै खुस कोनी करण पण सच्चै मन ऊं बानै मानो इंया करो तो थे प्रभु नै आदर देवो हो।

²³ झिको कीं थे करो बो तन मन ऊं करो। ओ सारो प्रभु खातर करणो चईयै। झिका काम करो हो बे संसार गै लोगां खातर कोनी।

²⁴ क्यूंकै थे जाणो हो कै थानै इंगै बदळै प्रभु वारिस बणावैगो अर प्रभु मसी गी सेवा करता रेवो।

²⁵ मसी किंगी पक्सपात कोनी करै। पण बुरो करण आळा नै सजा जरूर देवैगो जिसी बानै मिलणी चईयै।