खास चेला 25 - Bagri

पौलुस गी कैसर गै सामै बिनती

¹ फेस्तुस बिं राज में जाण गै तीन दिन गै बाद कैसरिया ऊं यरुसलेम आयो।

² जद मुख्य याजक अर यहुदियां गै मुख्य लोगां बिंगै सामै पौलुस गी बात रखी।

³ अर बिंऊं बिनती कर'गे पौलुस गै बिरोध में ओ चायो कै बिनै यरुसलेम में बुलायो जावै क्यूंकै बे बिनै रा में ई मार देणो चावा।

⁴ फेस्तुस उतर दियो, “पौलुस कैसरिया में पेरै में है अर मैं आप बठै जल्दी जाऊंगा।”

⁵ फेर केयो, “थारै मू झिका खास आदमी है मेरै सागै चालो अर पौलुस कीं गळत काम करयो तो बिं पर दोस लगावो।”

⁶ बांगै कनै आठ दस दिन रेगे बो कैसरिया उठग्यो अर दूसरै दिन न्याय आसण पर बेठगे पौलुस नै बुलायो।

⁷ जद बो आयो तो झिका यहुदी यरुसलेम ऊं आया, बां बिंगै आसै पासै खड़या होगे बिं पर भोत बुरा आरोप लगाया झिका नै बे सच्च साबित कोनी कर सका।

⁸ पण पौलुस उतर दियो, “मैं यहुदियां गै नेम विधान अर ना मिन्दर अर ना कैसर गै बिरोध में कोई अपराध करयो है।”

⁹ पण फेस्तुस यहुदियां नै राजी करणो चावै हो अर पौलुस नै केयो, “तूं चावै के यरुसलेम जाऊं? बठै मेरै सामै तेरै केस पर बात करी जावै।”

¹⁰ पौलुस केयो, “मैं कैसर गै न्याय करण आळी जिग्यां पर खड़यो हूं। मैरे केस गो अठै फेंसलो होणो चईयै। मैं यहुदियां गै खिलाफ कोई अपराध कोनी करयो आ बात थे जाणो हो।

¹¹ जे मैं अपराधी हूं अर मरण गै लायक कोई अपराध करयो है तो मैं मरण ऊं कोनी डरूं। पण झिकी बातां गो दोस मेरै पर लगावै है आमूं कोई बी सच्च ना निकळै तो मनै बांगै हात में कोई कोनी दे सकै। मैं कैसर ऊं बिनती करूं।”

¹² जद फेस्तुस पंचायत में बात कर'गे उतर दियो, “तूं कैसर ऊं बिनती करी है, तूं कैसर कनैई जावैगो।”

राजा अग्रिपा गै सामै पौलुस

¹³ केई दिनां गै बाद राजा अग्रिपा अर बिंगी भेन बिरनिके कैसरिया में फेस्तुस नै निमस्कार देण खातर आयो।

¹⁴ बे भोत दिन बठै रेण गै बाद फेस्तुस पौलुस गै बारै में बतायो कै एक आदमी है झिकै नै फेलिक्स जेळ में ई छोड़ ग्यो।

¹⁵ जद मैं यरुसलेम में हो तो मुख्य याजकां अर बुडै लोगां बिंगी बात करी अर केयो कै बिनै सजा देओ।

¹⁶ पण मैं उतर दियो कै, “रोमियां गी आ रीत कोनी कै बे कोई आदमी नै सजा खातर दे दैय। जद तांई दोसी नै आपगै उपर लगायेड़ै दोसां गो जबाब देण गो मोको ना मिलै।”

¹⁷ जद बे अठै कठ्ठा होया तो मैं कीं देर कोनी करी। पण दूसरै ई दिन न्याय करण आळी जिग्यां में बेठगे पौलुस नै ले आण गो हुकम दियो।

¹⁸ जद बिं पर दोस लगाण आळा खड़या होया तो बां हिसी बातां गो दोस कोनी लगायो जिंया मैं समझै हो।

¹⁹ पण बे आपगै मसी धरम कानी ऊं यीसू नाम गो कोई आदमी मरग्यो। पौलुस बिनै जींवंतो बतागे बिंगै बारै में बात चीत करतो रेवंतो।

²⁰ मैं उळझण में हो कै आं बातां गो फेंसलो किंया करूं ईंखातर बिनै पूछयो कै तूं यरुसलेम जा'गे आं बातां गो फेंसलो बठै करणो चावै है के?

²¹ पण जद पौलुस बिनती करी कै बिंगै केस गो फेंसलो सारा ऊं मोटै महाराज कनूं होवै तो मैं आग्या दी कै जद तांई बिनै कैसर कनै ना घालूं बिनै जेळ में ई राखूं।

²² जद अग्रिपा फेस्तुस नै केयो कै, “मैं बिं आदमी गी बात सुणनी चाऊं।” तो फेस्तुस केयो, “तूं काल सुणी।”

²³ दूसरै दिन जद अग्रिपा अर बिरनीके बड़ी धूम धाम ऊं आया अर पलटण गै मुख्य अर नगर गै मुख्य लोगां गै सागै दरबार में पूग्या। जद फेस्तुस आग्या दी कै पौलुस नै ले आओ।

²⁴ फेस्तुस केयो, “राजा अग्रिपा अर हे सारा आदमियों, ईं आदमी नै देखो झिकै गै बारै में सारै यहुदियां, यरुसलेम अर अठै बी रोळो मचागे मेरूं बिनती करी कै इंगो जीणो ठीक कोनी।”

²⁵ मैं जाणग्यो कै बण हिस्यो कोई काम कोनी करयो कै बिनै मार दियो जावै। पण आप ई मोटै महाराजा गै सामै जाण गो केयो अर ईंखातर मैं बिनै घालण गो फेंसलो लियो है।

²⁶ मनै बिंगै बारै में कोई साफ बात कोनी मिली कै मोटै महाराज नै लिखूं। ईंखातर मैं बिनै थारै सामै ल्याओ कै महाराजा आग्रिपा जांच करै कै मनै कीं लिखण नै मिलै।

²⁷ क्यूंकै मनै, बन्दी नै मोटै महाराज कनै बिना दोस गै भेजणो सई कोनी लागै।