खास चेला 2 - Bagri

पवितर आत्मा गो उतरणो

¹ पेन्तिकुस्त गै दिन सारा बिस्वासी एक जिग्यां में भेळा हा।

² बिं टेम एकदम बठै सुरग ऊं भयानक आंधी आयी अर झिकै घर में बे बेठया बो भरिजग्यो।

³ अर आग बरगी लपटा बठै सामणै दिखण लागगी। बा आग सारा गै उपर टिक गी।

⁴ बे सारा पवितर आत्मा ऊं भरिजग्या अर पवितर आत्मा गी सामरथ ऊं बे दूसरी भासा में बोलण लागग्या।

⁵ बिं टेम बठै यरुसलेम में सारा देसा ऊं आएड़ा यहुदी नेम विधान नै मानण आळा रेवंता।

⁶ जद बां आंधी गी आवाज सुणी तो भीड़ एक पासै होगी। बे लोग अचंभै में पड़ ग्या क्यूंकै हर एक नै आपगी बोली में बोलता सुणीज्यैओ।

⁷ बे सारा अचंभै में होगे बोल्या, “ऐ बोलण आळा सारा लोग गलील प्रदेस ऊं आएड़ा है के?

⁸ फेर म्हे हर एक म्हारी आपगी बोली में बोलता किंया सुणा हां?”

⁹ बठै पारथी, मेदी अर एलामी, मेसोपोतोमिया गा वासी, यहुदिया अर कप्पूदूकिया, पुन्तुस अर आसिया,

¹⁰ फिरगिया अर पम्फूलिया, मिसर अर साइरीन नगर गै नेडै़ लीबिया गै कीं परदेसां गा लोग, रोम ऊं आया लोग झिका में यहुदी अर गेर यहुदी झिका यहुदी धर्म नै स्वीकार करण आळा लोग, क्रेती अर अरब में रेण आळा।

¹¹ म्हे सारा परमेसर गै चमत्कार गै कामां नै आप आपगी बोली में सुणन लागरया हां।

¹² बे सारा अचंभै में पड़गे आपसरी में पूछण लागग्या ओ के होवै?

¹³ पण दूसरै लोगां खास चेला गो मजाक करता केयो, “आ सारी बात बोळी दारू पीणै ऊं होई है।”

पतरस गो संदेस

¹⁴ पतरस ग्यारा खास चेला गै सागै खड़यो होगे इंया बोल्यो, “यहुदी बेलियो अर यरुसलेम में रेण आळा सारा लोगों मेरी बात सुणो, इंगै बारै में मैं थानै बताऊं।

¹⁵ जिंया थे समझो बिंया आं दारू कोनी पी क्यूंकै अजै तो दिनगै गा नौ बजया है।”

¹⁶ पण आ बा बात है झिकी गै बारै में योएल परमेसर गी बात बताण आळै केयो हो,

¹⁷ परमेसर केवै है, “अंत गै दिना में, मैं सारै आदमियां पर आपगी आत्मा दे देऊंगा थारा बेटा अर बेटियां परमेसर गी बात बोलण लागज्यैगा। अर थारै जवान लोगां नै परमेसर दरसण देवैगो अर थारै बुडै लोगां नै परमेसर सपनो दिखावैगो।

¹⁸ बां दिना में परमेसर गी सेवा में झिका आदमी अर लुगाईयां हो'सी बानै आपगी आत्मा ऊं भर देऊंगा अर बे परमेसर गी बात करसी।

¹⁹ मैं आकास में अचंभै गा काम करूंगा, अर धरती पर चमत्कार दिखाऊंगा मतलब खून, आग अर धूंअ गा बादळ दिखाऊंगा।

²⁰ प्रभु गै आण गै खास अर मोटै दिन ऊं पेलां सूरज अंधेरै में अर चांद लोइ में बदळ जावैगो।

²¹ अर प्रभु नै बुलाणै आळां सारा नै बो बचावैगो।”

²² हे इसराएल गा लोगों मेरी बात सुणो, यीसू मसी गै द्वारा परमेसर झिका चमत्कार गा काम करया हा बे थे सारा देख्या हा, बिंगै अधिकार गै बारै में बी थानै पतो है।

²³ परमेसर गी योजना गै अनुसार यीसू मसी नै थारै हात में दे दिओ अर थे लोग गळत लोगां गै हात ऊं बिनै करूस पर चढागे मार दिओ।

²⁴ पण परमेसर बिनै जींवंतो करयो अर मोत गै बस ऊं बिनै छुडा लिओ क्यूंकै यीसू मसी नै मोत गै बस में राखणो असंभव है।

²⁵ दाऊद बिंगै बारै में केयो, “मैं, यीसू प्रभु नै सदां ई आपगै सामणै देख्यो, बो मेरै सागै है, ईंखातर मैं पड़ ना जाऊं।

²⁶ ईंखातर खुसी गै सागै परमेसर गी मेमा करूंगा अर मेरो सरीर बी आसा में जींवंतो रेवैगो।

²⁷ क्यूंकै तूं मेरै प्राण नै पताळ में कोनी छोड़ैगो, तूं आपगै पवितर जण नै गळण कोनी देसी।

²⁸ थे मनै जीवन गै रा गो ग्यान करायो है, आपगी हजूरी में तूं मनै खुसी देसी।”

²⁹ हे मेरा यहुदी बेलियो, मैं बिस्वास गै सागै बडेरै दाऊद गै बारै में थानै कीं केणो चाऊं कै बिंगी मोत होगी अर बिनै दफणा दिओ अर बिंगी कबर आज तांई अठै है।

³⁰ क्यूंकै बो एक परमेसर गी बात बताण आळो हो। बो जाणै हो कै परमेसर बिनै बचन दियो है कै तेरै वंस ऊं किनैई सिंहासन पर बिठास्यूं।

³¹ दाऊद आ'गै गै बारै में देखगे मसी गै जी उठण गै बारै में इंया केयो है, “तू मेरै प्राण नै पताळ में कोनी छोड़ैगो, तूं आपगै पवितर जण नै गळण कोनी देसी।”

³² परमेसर यीसू मसी नै जींवंतो कर दियो, इंगा म्हे सारा गवा हां।

³³ परमेसर यीसू नै आदर देगे आपगै दाहिणै पासै बिठा लिओ। यीसू मसी परमेसर गै वायदै गै अनुसार पवितर आत्मा लेगे सारा नै भर दिया झिकै नै थे अब देखो अर सुणो हो।

^34-35 दाऊद सुरग पर कोनी गेयो फेर बी बो इंया बोल्यो, “परमेसर मेरै प्रभु नै इंया केयो मेरै दांहिणै पासै बैठ। जद तांई मैं तेरा बैरियां नै तेरै पगां गी चोकी ना बणा दैयूं।”

³⁶ ईंखातर सारा इसराएली लोगां नै ईं बात गो पक्को पतो लाग जावै है कै झिकै यीसू मसी नै थे करूस पर चढा गै मरा दियो बिनै प्रभु अर मसी ठेरायो।

³⁷ आ बात सुणगे बे लोग भोत दुखी हो'ग्या अर पतरस अर दूसरा खास चेला नै पूछण लागग्या, “मेरा यहुदी बेलियो, म्हे के करां?”

³⁸ पतरस बानै केयो, “मन बदळो, अर आपगै पापां गी माफी लेण खातर थानै सारा नै यीसू मसी गै नाम में बतिस्मो लेणो चईयै। फेर थे परमेसर गै वायदै गै अनुसार पवितर आत्मा पाओगा।

³⁹ क्यूंकै ओ परमेसर गो वायदो थारै खातर अर थारी उळाद खातर अर दूसरा ओर लोग झिका दूर है आं सारा नै आपगो वायदो पूरो करण खातर बुलावैगा।”

⁴⁰ पतरस बांगै सागै न्यारा न्यारा बचनां गै द्वारा बानै समझाया अर बानै बिनती करी कै थे लोग, झिका लोग परमेसर नै कोनी मानै बाऊं बचगे रेओ।

⁴¹ अर झिकै लोगां बिं संदेस नै मान्यो बां बतिस्मो लिओ। ईं तरियां बिं दिन लगभग तीन हजार लोग यीसू पर बिस्वास करण आळा बणग्या।

बिस्वासियां गी संगती

⁴² बे लोग अपणै आपनै समरपित कर'गे खास चेला गै संदेस अर संगती करणी अर प्रभु भोज में सामिल होणो अर हर रोज पराथना करण लागग्या।

⁴³ इसराएल गै सारै लोगां पर बिस्वास गो डर छाग्यो अर खास चेलां गै हाता ऊं भोत सारा चमत्कार देखता रेया।

⁴⁴ अर सारा बिस्वासी लोग भेळा रेवंता हा अर बांगै कनै झिको कीं हो बे बांट लेवंता।

⁴⁵ बां आप आपगी सारी जमीन बेच दी अर झिकै नै जरूरत होवंती बिनै बांट देवंता।

⁴⁶ बे हर रोज मिन्दर में भेळा होगे एक सागै पराथना करता। बे बारी बारी ऊं प्रभु भोज सारां घरां में रखता अर सारा लोग खुसी गै सागै रोटी खावंता।

⁴⁷ लोग परमेसर गी मेमा करता, सारा बांगै सागै खुसी ऊं रेवंता। प्रभु हर रोज भोत लोगां नै मुकती देगे बांगै सागै सामिल होण खातर मदद करतो।