खास चेला 1 - Bagri

जाण पिछाण

¹ हे थियुफिलुस, झिका काम यीसू सुरू ऊं लेगे सुरग जाणूं पेलां करया अर सिखाया बां बातां नै मैं मेरी पेली किताब में बता चुक्यो।

² बो सुरग जाणूं पेलां झिका खास चेला नै चुण्या बानै पवितर आत्मा गै द्वारा आग्या दी।

³ आपगै मरण गै चाळीस दिनां गै बाद में बो बांगै सामणै आ'ग्यो, रोटी खायी, बांगै सागै बात कर'गे अपणै आपनै जींवंतो दिखायो। बिंगै बाद बो परमेसर गै राज गी बातां करतो रेयो।

⁴ एकर यीसू मसी बांगै सागै रोटी खांता टेम आग्या दी कै थे लोग यरुसलेम ना छोड़ो, क्यूंकै मेरै द्वारा बतायेड़ी बात झिको पिता परमेसर पवितर आत्मा देण गो वायदो करयो है बिंगी उडीक करता रेओ।

⁵ यूहना तो पाणी में बतिस्मो दियो पण थोड़ै दिनां गै बाद थे पवितर आत्मा ऊं बतिस्मो पाओगा।

⁶ बां सारा जणां भेळा होगे पूछयो कै, “हे प्रभु, थे अब इसराएल गो राज पाछो ल्या देवोगा के?”

⁷ बण बानै केयो कै, “झिका काम पिता परमेसर आपगै हात में राखै बानै जाणनो थारो काम कोनी।

⁸ पण पवितर आत्मा थारै पर आवैगी जद थानै सामरथ मिलैगी अर थे यरुसलेम अर सारै यहुदियां अर सामरिया अर धरती गी च्यारा कूंटा तांई मेरा गवा बणोगा।”

⁹ ओ केगे बो बांगै देखतां देखतां उपर सुरग में चक लियो गयो अर बादळां बिनै लको लियो।

¹⁰ अर बिंगै उपर जांवता टेम बां आसमान कानी देख्यो तो दो आदमी धोळा गाबा पेरेड़ा बांगै कनै आया।

¹¹ अर केण लागग्या, “हे गलीली आदमियों थे सुरग कानी क्यामी देखो। ओ यीसू थारै कनूं सुरग में उठा लियो है अर जिंया थे इनै जावंता देख्यो है बिंयाई आवंता देखोगा।”

एक नुअ खास चेलै नै चुण्यो जाणो

¹² फेर खास चेला जेतुन नाम गै प्हाड़ ऊं यरुसलेम पाछा आया, इंगी दूरी एक सबत गै दिन गै बराबर है।

¹³ अर बठै पूगगे बे उपर गै बिं कमरै में गेया जठै पतरस, यूहना, याकूब, अन्द्रियास, फिलिप्पुस, थोमा, बरतुल्मै अर मत्ती, हलफई गो बेटो याकूब, समौन जेळोतोस अर याकूब गो बेटो यहूदा ठेरेड़ा हा।

¹⁴ ऐ सारा मिलगे पराथना करता हा, आंगै सागै केई लुगाईयां अर यीसू गी मां मरियम अर यीसू गा भाई बी हा।

¹⁵ केई दिना गै बाद बिस्वासी लोगां गी एक पराथना सभा गै मा पतरस खड़यो होगे बात करी, ऐ लगभग 120 आदमी हा।

^16-17 “हे मेरा भाईयों अर भेनों, यीसू नै पकड़ान आळै नेता यहूदा गै बारै में पवितर आत्मा दाऊद गै द्वारा पवितर सासतर में भोत पेलां ई बता दियो, बो पूरो होणो जरूरी हो। यहूदा ईं सेवकाई गै मा म्हारै सागै हो।”

¹⁸ बुरै काम खातर यहूदा नै झिको धन मिल्यो बिं धन ऊं बण एक खेत मोल लियो। अर फेर बो मुंदो पड़ग्यो अर बिंगो पेट पाटग्यो अर सारी आंतड़ी बारै निकळ गी।

¹⁹ अर इंगै बारै में यरुसलेम में रेण आळै सारै लोगां नै पतो लागग्यो। ईंखातर बिं खेत गो नाम बांगी बोली में हक्लदमा राख्योग्यो झिकै गो मतलब है “लोइ गो खेत।”

²⁰ पतरस इंया बी केयो हो क्यूंकै भजन संहिता में इंया लिखेड़ो है कै, “बिंगो घर उजड़ जावै अर बिमै रेण आळो कोई ना बचै” अर इंया बी लिखेड़ो है कै, बिंगो काम कोई ओर ले लेवै।

^21-22 ईंखातर जद प्रभु यीसू म्हारै सागै हो जद यूहना बतिस्मो देणो सरू करयो बिं टेम ऊं लेगे यीसू मसी सुरग में लियो गयो बिं टेम तांई झिका लोग म्हारै सागै हा बामूं एक जणो चुण्यो जाणो झिको यीसू मसी गै जी उठण गी गवाई दे सकै।

²³ ईंखातर बां दो आदमियां नै चुण्या। बिमै एक युसुफ हो, बिंगो यहुदी नाम युसुफ बरसब्बा हो अर बिंगो रोमी नाम युसतुस हो। अर दूसरो मत्तियाह हो।

^24-25 फेर बे ओ केगे पराथना करण लागग्या कै, “हे प्रभु तूं सब गै मना नै जाणै है, म्हानै बता कै आं दोना मू थे किनै चुण्यो है। झिको एक खास चेलै गै रूप में झिकै काम नै यहूदा छोड़गे आपगी जिग्यां पर उड़ग्यो, बो ईं काम नै जिमेदारी ऊं पूरो कर सकै।”

²⁶ फेर बां परची घाली अर परची मत्तियाह गै नाम गी निकळी। ईं तरियां बो ग्यारा खास चेला में सामिल होग्यो।